Barua Mokwongo mar Johana 1:1-10
1 Wandikonu kuom jal ma ne nitie nyaka a chakruok, jal moting’o wach ma chiwo ngima, ma wasewinjo kendo ma waseneno gi wengewa, ma wasenono adimba kendo ma lwetewa osemulo,+
2 (ee, ngimano ne oelnwa maler, kendo wasenene, bende wachiwo neno kuome,+ kendo walandonu ngima ma nyaka chieng’,+ ma noa kuom Wuoro kendo ne oelnwago),
3 jal ma waseneno kendo winjo, un bende wayalonugo,+ mondo un bende ubed e winjruok achiel kodwa.* Kendo bedo e winjruok achielno riwowa gi Nyasaye Wuoro kendo gi Wuode Yesu Kristo.+
4 Omiyo, wandikonu wechego mondo mor marwa obed mogundho kendo moromo chuth.
5 Ma e wach ma wasewinjo koa kuome, to e ma walandonu ni: Nyasaye en ler+ kendo onge mudho kuome kata matin.
6 Ka wawacho ni, “Wan e winjruok achiel kode,” to koni pod wadhi nyime wuotho e mudho, wariambo kendo ok wawuoth e adiera.+
7 Kata kamano, ka wawuotho e ler kaka en owuon en e ler, wabedo e winjruok achiel gi jowetewa, kendo remb Yesu Wuode pwodhowa a e richo duto.+
8 Ka wawacho ni, “Waonge gi richo,” wawuondore wawegi+ kendo adiera onge e iwa.
9 Jalo en jal migeno kendo en jal makare, ma ka wahulo richowa, to obiro weyonwagi, kendo obiro pwodhowa waa e timbe duto ma ok kare.+
10 To ka wawacho ni, “Pok watimo richo,” wamiyo obedo jamiriambo kendo wachne onge e iwa.
Weche Moler Piny
^ Kata, “un bende uriwru kodwa.”
