Barua Mokwongo mar Petro 5:1-14
5 Kuom mano, kaka jaduong’ wadu, jal ma noneno gi wang’e kaka Kristo nosandore, kendo achiel kuom jo ma biro yudo duong’ mibiro el,+ asayo jodongo manie kindu kama:
2 Kwauru kueth mar Nyasaye+ moseketue jorit, ok kichunou, to gi chuny mohero e nyim Nyasaye;+ bende, ok nikech hero ohala mag mibadhi,+ to gi chuny mamor;
3 bende, kik utimru ruodhi e wi jo ma gin mwandu Nyasaye,+ kar mano uket ranyisi maber ne kueth.+
4 To e kinde ma jakwath maduong’+ biro fwenyoree, unuyud osimbo mar duong’ ma ok kethre.+
5 E yo ma kamano, un chwo matindo, bolreuru ne chwo ma hikgi ng’eny.*+ To uduto ng’ato gi ng’ato, rwakuru bolruok kaka nanga, nimar Nyasaye kwedo jong’ayi, to ochiwo ng’wono mogundho ne jo ma bolore.+
6 Omiyo, bolreuru e bwo lwet Nyasaye ma nigi teko, mondo oting’u malo e kinde mowinjore,+
7 ka uketo parruoku duto kuome,+ nikech odewou.+
8 Sikuru ka urito pachu, kendo nenuru!+ Jasiku ma en Jachien wuotho koni gi koni kaka sibuor ma ruto komanyo ng’at ma dongam.+
9 To kwedeuru matek,+ ka uchung’ motegno e yie, ka ung’eyo ni sand kaka mago bende yudo riwruok mar owete e piny ngima.+
10 To bang’ ka useyudo sand kuom kinde manok, Nyasach ng’wono duto mogundho ma noluongou e duong’ne mochwere+ nikech un e winjruok achiel gi Kristo, en owuon obiro miyo tiegruok maru obed moromo chuth. Obiro miyo uchung’ matek,+ obiro tegou,+ kendo obiro miyo ugurru e mise ma ok yiengni.
11 Teko mondo obed mare nyaka chieng’. Amin.
12 Kokalo kuom Silvano*+ ma akwano kaka owadwa mochung’ motegno e yie, asendikonu ka atiyo gi weche manok mondo ajiwu kendo mondo achiwnu neno mong’ith ni adier mae e ng’wono mogundho mar Nyasaye. Chung’uru motegno kuome.
13 Dhako man Babulon, ma en jal moyier kaka un, ooronu mos, Mariko+ ma wuoda bende otimo kamano.
14 Mosreuru gi nyoth mar hera.
Beduru gi kuwe uduto ma un e winjruok achiel gi Kristo.
