Weche mag Ndalo Mokwongo 16:1-43
16 Kamano ne gikelo Sandug Singruok mar Nyasaye madier mi gikete e hema ma Daudi noselosone.+ Eka ne gichiwo misengni miwang’o kod misengni mag kuwe e nyim Nyasaye madier.+
2 Ka ne Daudi osetieko chiwo misengni miwang’o+ kod misengni mag kuwe,+ ne oguedho ji e nying Jehova.
3 Bende, nopogo Jo-Israel duto ma chwo kod ma mon makate molworore ma nigi bur e diere, gi kek molos gi olemb othith, kod kek mar mzabibu.
4 Eka ne oyiero Jo-Lawi moko mondo oti e nyim Sandug Singruok mar Jehova,+ gimiye duong’, gigone erokamano, kendo gipak Jehova Nyasach Israel.
5 Asaf+ ne en jatendgi to Zekaria ne en jalupne, to Jeiel, Shemiramoth, Jehiel,+ Matithia, Eliab, Benaya, Obed-edom, kod Jeiel ne goyo nyatiti kod gige thum ma nigi tonde migwelo,+ Asaf to ne goyo nyidwonge.+
6 Benaya jadolo kod Jahaziel jadolo ne goyoga turmbeta e nyim sandug singruok mar Nyasaye madier.
7 Chieng’no e ma Daudi nokwongo ndikoe wer mar goyo ne Jehova erokamano monyiso Asaf+ kod owetene mondo owere. Ma e wendno:
8 “Gouru ne Jehova erokamano,+ luonguru nyinge,Nyisuru ji gik mosetimo!+
9 Werneuru, werneuru wende pak,+Paruru matut* gik madongo duto mosetimo.+
10 Sunguru nyinge maler.+
Jogo duto ma manyo Jehova mondo obed mamor.+
11 Manyuru Jehova+ kod tekone.
Manyuru wang’e* kinde duto.+
12 Paruru tijene miwuoro mosetimo,+Kendo paruru honni kod buche moseng’ado,
13 Un koth Israel jatichne,+Kendo un yawuot Jakobo, joge moyiero.+
14 En e Jehova Nyasachwa,+
Buchene tiyo e piny duto.+
15 Paruru singruok ma notimo nyaka chieng’,Paruru gima nosingo* kuom tienge gana gi gana,+
16 Singruok ma notimo gi Ibrahim,+Kod kuong’ruok ma nokuong’orego ne Isaka,+
17 Ne otimo singruogno gi Jakobo+Winjruok mosiko notimo gi Israel,
18 Kowacho niya: ‘Abiro miyi piny Kanaan+Mondo obed pok maru.’+
19 Nowacho wechego ka ne pod unok,Ee, ne unok kendo ne un welo e pinyno.+
20 Ne gilworore e piny ka piny,Kendo e pinyruoth ka pinyruoth.+
21 Ne ok oyie mondo ng’ato ang’ata osandgi,+To ne okwero ruodhi nikech gin,+
22 Kowacho niya: ‘Kik umul joga mowir,Kendo kik utim gimoro amora marach ne jonabina.’+
23 Piny duto mondo ower ne Jehova!
Landuru resruokne odiechieng’ kodiechieng’!+
24 Landuru duong’ne e kind ogendni,Landuru tijene miwuoro ne ogendni duto.
25 Nimar Jehova e Nyasaye maduong’ kendo owinjore gi pak.
Olich moloyo nyiseche mamoko duto.+
26 Nyiseche duto mag ogendni gin nyiseche manono,+To Jehova e ma nochueyo polo.+
27 Luor gi duong’ nie nyime;+Teko gi ber duto ni ka ma odakie.+
28 Un dhoudi mag piny, miuru Jehova gima owinjorego,Miuru Jehova gima owinjorego nikech en gi teko kod duong’.+
29 Miuru Jehova duong’ mowinjore gi nyinge;+Keluru mich kubiro e nyime.+
Lamuru Jehova kurwakoru gi lewni maler.+
30 Un piny duto, kulreuru e nyime kutetni!
Piny osegur motegno, onge ng’at ma nyalo yienge.+
31 Polo mondo obed moil, piny bende obed mamor;+
Landuru e kind ogendni niya: ‘Jehova osebedo Ruoth!’+
32 Nam mondo owuo kaachiel gi gik moko duto manie iye;Pewe kod gik moko duto manie igi mondo obed moil.
33 Yien duto me bungu bende okog gi mor e nyim Jehova,Nimar osebiro ng’ado ne piny bura.
34 Gouru ne Jehova erokamano, nimar ober;+Herane osiko nyaka chieng’.+
35 Wachuru niya: ‘Reswa, A Nyasachwa kendo Jawarwa,+Chokwa kendo igolwa e kind ogendni, Mondo wagoni erokamano nikech nyingi ler,+ Kendo wapaki gi ilo.+
36 Pakuru Jehova, Nyasach IsraelPakeuru nyaka chieng’.’”
Ji duto nowacho ni, “Amin!”* kendo ne gipako Jehova.
37 Eka Daudi noweyo Asaf+ kaachiel gi owetene e nyim Sandug Singruok mar Jehova mondo gidhi nyime tiyo e nyim Sandugno,+ kaka chik ne dwaro mondo otim odiechieng’ kodiechieng’.+
38 Obed-edom gi owetene 68, kaachiel gi Obed-edom ma wuod Jeduthun kod Hosa ne rito rangach;
39 Zadok+ jadolo kaachiel gi jodolo wetene ne tiyo e nyim hema mar Jehova man ka moting’ore man Gibeon.+
40 Ne giwang’o ne Jehova misengni miwang’o e kendo mar misango okinyi gi odhiambo ka giluwo weche duto mondik e bug Chik ma Jehova nomiyo Jo-Israel.+
41 Ne gin kod Heman, Jeduthun,+ kaachiel gi jomamoko duto ma noyier kendo ma noluong gi nyingegi mondo opak Jehova+ nikech “herane osiko nyaka chieng’”;+
42 Heman+ gi Jeduthun ne goyo turmbeta gi nyidwonge kod gige thum ma ne itiyogo e pako Nyasaye madier, to yawuot Jeduthun+ ne rito rangach.
43 Eka ji duto ne odok e miechgi kendo Daudi ne odhi guedho joode.
Weche Moler Piny
^ Kata nyalo bedo, “Wuouru e wi.”
^ Kata, “beduru e nyime.”
^ Hibrania, “wach ma nochiko.”
^ Kata, “Obed kamano!”
