Weche mag Ndalo Mokwongo 26:1-32
26 Grube mag jo ma ne rito rangeye+ e magi: Joka Kora ne nitie Meshelemia+ wuod Kore ma wuok e anyuola mar Asaf.
2 Kendo yawuot Meshelemia ne gin: Zekaria wuoyi makayo, Jediael mar ariyo, Zebadia mar adek, Jathniel mar ang’wen,
3 Elam mar abich, Jehohanan mar auchiel, kod Eliehoenai mar abiriyo.
4 Yawuot Obed-edom ne gin: Shemaya wuoyi makayo, Jehozabad mar ariyo, Joa mar adek, Sakar mar ang’wen, Nethanel mar abich,
5 Amiel mar auchiel, Isakar mar abiriyo, kod Peulethai mar aboro; nimar Nyasaye ne oguedhe.
6 Wuode ma Shemaya nonyuolo yawuoyi ma ne gin jotelo e anyuolagi, nimar ne gin jo ma roteke kendo molony.
7 Yawuot Shemaya ne gin: Othni, Refael, Obed, kod Elzabad; owetene ma Elihu kod Semakia bende ne gin jo ma olony.
8 Mago duto ne gin yawuot Obed-edom. Gin gi yawuotgi kod owetegi ne gin jo ma roteke kendo molony e tich, giduto ne gin ji 62.
9 Meshelemia+ ne nigi yawuoyi kod owetene, ji 18 molony.
10 Hosa ma wuok e anyuola mar Merari ne onyuolo yawuoyi. Shimri ne jatelo, kendo wuon-gi noyiere mondo obed jatelo kata obedo ni ne ok en wuoyi makayo,
11 Hilkia mar ariyo, Tebalia mar adek, kod Zekaria mar ang’wen. Yawuot Hosa kod owetene duto ne gin ji 13.
12 E grup mar joritgi, jotelo ne nigi tije ma gitiyo e od Jehova mana kaka owetegi mamoko.
13 Kuom mano, ne gigoyo ombulu+ kaluwore gi anyuolagi, bed ni gitin kata ging’eny, mondo gipogre rangeye.
14 Ombulu ne oyiero ne joka Shelemia yo wuok chieng’. Zekaria wuode ma ne en jang’ad rieko, ombulu noyierone yo nyandwat.
15 Obed-edom ne oyierne yo milambo, kendo yawuote+ ne rito ute keno.
16 Shupim gi Hosa+ noyiernegi yo podho chieng’, machiegni gi Ranga Shaleketh man but yo maduong’ mochomo malo. Noket grube mag jorit machiegni-machiegni.
17 Jo-Lawi auchiel ne rito yo wuok chieng’. Odiechieng’ kodiechieng’ ang’wen ne rito yo nyandwat, to moko ang’wen ne rito yo milambo. Jo-Lawi ariyo-ariyo ne rito ute keno.+
18 Ne oket jorit ang’wen e yo+ madhi e od sirni man yo podho chieng’, to jorit ariyo ne rito odno.
19 Mago e ma ne gin grube mag jorit rangeye ma nowuok e dhood Kora kod dhood Merari.
20 Kuom Jo-Lawi, Ahija e ma nochung’ ne kar keno e od Nyasaye madier kod kar kano gik maler.*+
21 Joka Gershon ma yawuot Ladan, ma ne gin jotelo e anyuola mar Ladan Ja-Gershon ne gin: Jehieli*+
22 gi yawuote, Zetham kod Joel owadgi. Gin e ma ne gichung’ ne kar keno e od Jehova.+
23 Kuom joka Amram, gi joka Izhar, gi joka Hebron kod joka Uziel,+
24 Shebuel wuod Gershom ma wuod Musa ne en jatelo mochung’ ne ute keno.
25 To kuom owetene, Eliezer+ nonyuolo Rehabia,+ Rehabia nonyuolo Jeshaya, Jeshaya nonyuolo Joram, Joram nonyuolo Zikri, to Zikri nonyuolo Shelomoth.
26 Shelomoth kod owetene e ma nochung’ ne kuonde kano gik maler+ ma Ruoth Daudi,+ jotelo mag anyuola,+ jotelo e wi ji aluf achiel-achiel kod ji mia-mia, kod jotend jolweny nowalo.
27 Moko kuom gik ma ne giyako+ e lweny+ ne giwalo mondo osirgo od Jehova;
28 kod gik moko duto ma Samuel janen,+ Saulo wuod Kish, Abner+ wuod Ner, kod Joab+ wuod Zeruya+ ne osewalo. Shelomith gi owetene e ma noket mondo orit gimoro amora ma ng’ato nowalo.
29 Kuom joka Izhar,+ Kenania gi yawuote ne gin jotelo kod jong’ad bura+ mag Jo-Israel. Ne gitiyo oko mar od Nyasaye.
30 Kuom joka Hebron,+ Hashabia gi owetene 1,700 ma roteke ne gin jotend Israel e alwora mar Jordan gi yo podho chieng’ ka gitiyo tije duto mag Jehova kod mag ruoth.
31 Kuom anyuola joka Hebron, Jerija+ e ma ne en jatelo. E higa mar 40 mar loch Daudi,+ Daudi nooro jomoko mondo omany chwo maroteke kendo ne giyudo jo ma kamago Jazer+ e piny Gilead.
32 Kwan mag owetene ne gin ji 2,700 ma roteke, kendo ma ne gin jotelo e anyuolagi. Omiyo, Ruoth Daudi noketogi e wi Jo-Reuben, gi Jo-Gad, kod nus dhood Manase mondo gikonygi e weche mag Nyasaye madier kod mag ruoth.
