Samuel mar Ariyo 23:1-39
23 Magi e weche mogik mag Daudi:+
“Weche Daudi wuod Jesse,+Jal ma ne oting’ malo,+Ruoth ma Nyasach Jakobo ne owiro,+Jawer wende mamit+ e Israel.
2 Roho mar Jehova ne omiya weche;+Wechene ne nie dhoga.+
3 Nyasach Israel ne owuoyo;Lwanda mar Israel+ nowachona kama:‘Ka ruoth rito ji gi bura makare,+Nikech oluoro Nyasaye,+
4 Ochalo gi ler mokinyi ka chieng’ rieny,+Ler mokinyi ka boche polo onge.
Ler mabetie bang’ koth,Ma miyo lum loth e piny.’+
5 Donge oda chalo kamano e nyim Nyasaye?
Nikech osetimo koda singruok mochwere,+Mochan kare e yore duto kendo ma ok kethre.
Nikech mano kelona warruok chuth gi mor,Donge mano e momiyo odongo maber?+
6 To jo ma nono iwito oko+ ka kuthe,Nimar ok dimakgi gi lwedo.
7 Mondo ng’ato omakgi,Nyaka oti gi ludh chuma kod ludh tong’,Kendo nyaka wang’gi chuth gi mach.”
8 Koro magi e jolweny mathuondi mag Daudi:+ Joshebashebeth Ja-Takemoni, jatend jolweny adek mathuondi.+ Chieng’ moro ne onego ji mokalo 800 gi tong’.
9 Ng’at ma ne luwe ne en Eleazar+ wuod Dodo+ ma wuod Ahohi ma ne en achiel kuom jolweny adek mathuondi ma ne nigi Daudi ka ne gidhi kedo gi Jo-Filistia. Noyudo gisechokore kanyo ne lweny, to ka ne Jo-Israel oringo,
10 en nodong’ kanyo monego Jo-Filistia nyaka bade nojony kendo lwete notho dhudhno nikech mako ligangla.+ Omiyo, Jehova nomiyogi loch maduong’ chieng’no,+ mi ji noduogo molonyo jo ma nosenegi.
11 Ng’at ma ne luwe ne en Shama wuod Agee Ja-Harar. Jo-Filistia nochokore Lehi ka ma ne nitie puodho mopidhie ng’or mang’eny, kendo jolweny noringo nikech Jo-Filistia.
12 En to ne ochung’ e dier pap mokedo mondo kik gikawe kendo ne onego Jo-Filistia mi Jehova nomiyogi loch maduong’.+
13 Ji adek kuom jotelo 30 ne odhi ir Daudi e rogo mar Adulam+ ndalo keyo, to noyudo jolweny mag Jo-Filistia ogoyo kambi e Paw Refaim.+
14 Gie kindeno, Daudi nopondo kamoro,+ to jolweny mag Jo-Filistia nogoyo kambi Bethlehem.
15 Daudi ne owacho kama: “Mad ne ayudie pi soko man but ranga Bethlehem mondo amodhi!”
16 Mi thuondi adekgo ne omuomo modonjo e kambi mar Jo-Filistia mi gitwomo pi soko man e ranga Bethlehem kae to gikelo ne Daudi. Kata kamano, notamore modho pigno mopuke ne Jehova.+
17 Daudi nowacho kama: “A Jehova, ok anyal timo gima kama! Ere kaka damodh remb+ jo ma dine owito ngimagi?” Omiyo, ne otamore modho pigno. Mago e gik mathuondi adekgo ne otimo.
18 Abishai+ owadgi Joab ma wuod Zeruya+ bende ne en jatend thuondi mamoko adek; ne onego ji 300 gi tong’ kendo ne en gi huma kaka thuondi adekgo.+
19 Kata obedo ni ne en gi huma moloyogi, kendo notelonegi, ne ok ochopo e rang’iny mar thuondi adek mokwongoka.
20 Benaya+ wuod Jehoyada ne en jachir ma nokedo e lwenje mang’eny Kabzeel.+ Ne onego yawuoyi ariyo ma ne gin nyithind Ariel Ja-Moab. Chieng’ moro ka piny ng’ich,* ne odonjo e bur ka ma nitie pi monego sibuor kuno.+
21 Bende, ne onego Ja-Misri moro ma rabet. Kata obedo ni Ja-Misrino ne nigi tong’ e lwete, nodhine gi luth momaye tongeno monegego.
22 Benaya wuod Jehoyada notimo magi duto kendo ne en gi huma mana ka thuondi adekgo.
23 Kata obedo ni ne en gi huma moloyo thuondi piero adekgo, ne ok ochopo e rang’iny mar thuondi adek mokwongoka. Kata kamano, Daudi ne okete e wi jolweny ma ne rite owuon.
24 Asahel+ owadgi Joab bende ne en achiel kuom thuondi piero adekgo. Jomoko ne gin: Elhanan wuod Dodo Ja-Bethlehem,+
25 Shama gi Elika Jo-Harod,
26 Helez+ Ja-Palti,* Ira+ wuod Ikesh Ja-Tekoa,
27 Abiezer+ Ja-Anathoth,+ Mebunai Ja-Husha,
28 Zalmon Ja-Ahohi, Maharai+ Ja-Netofa,
29 Heleb wuod Baana Ja-Netofa, Itai wuod Ribai Ja-Gibea mar Jo-Benjamin,
30 Benaya+ Ja-Pirathon, Hidai Ja-Gaash piny aoche,+
31 Abialbon Ja-Arbath, Azmaveth* Ja-Bahurim,
32 Eliaba Ja-Shaalbon, yawuot Jashen, Jonathan,
33 Shama Ja-Harar, Ahiam wuod Sharar Ja-Harar,
34 Elifelet wuod Ahasbai Ja-Maakath, Eliam wuod Ahithofel+ Ja-Gilo,
35 Hezro Ja-Karmel, Paarai Ja-Arbi,
36 Igal wuod Nathan Ja-Zoba, Bani Ja-Gad,
37 Zelek Ja-Amon, Naharai Ja-Beeroth ma jating’ ne Joab wuod Zeruya gige lweny,
38 Ira Ja-Ithri, Gareb Ja-Ithri,+
39 kod Uria+ Ja-Hiti. Giduto ne gin ji 37.
