Amos 2:1-16
2 “Ma e gima Jehova owacho,‘“Ok abi loko kum monego ami Moab,+ nikech richoge adek, ee, nikech richoge ang’wen,Nimar ne owang’o choke mag ruodh Edom mi gibedo buru.
2 Kuom mano, abiro oro mach Moab,Mi nowang’ ohinga mochiel motegno mag Kerioth;+Moab biro tho e chuny tungni,Gi koko mag lweny, kod ywak mar tung’.+
3 Abiro tieko ruodhe*Kendo abiro nego jotende kaachiel kode,”+ Jehova owacho.’
4 Ma e gima Jehova owacho,‘Ok abi loko kum monego ami Juda, nikech richoge adek,+ ee, nikech richoge ang’wen,Nimar ne gitamore luwo chik* Jehova,Kendo ne ok girito buchene;+Miriambo ma ne owito kweregi e ma osemiyo gin bende gibayo yo.+
5 Kuom mano, abiro oro mach Juda,Mi nowang’ ohinga mochiel motegno mag Jerusalem.’+
6 Ma e gima Jehova owacho,‘Ok abi loko kum monego ami Israel, nikech richoge adek,+ ee, nikech richoge ang’wen,Nimar giuso jo makare mondo giyud fedha,Kendo giuso jochan mondo giyud mana wuoche tielo achiel.+
7 Ginyono wiye jo modhier piny e lowo,+Kendo gidino yor jo mamuol.+
Wuoyi gi wuon-gi terore gi nyako achiel,Gichido nyinga maler.
8 Ginindo but kendo mag misengni+ e wi lewni ma gimako kaka gir singo;+To divai ma gimadho e ute* nyisechegi ne giyudo kuom jo ma ne gigoyo fain.’
9 ‘To an e ma ne atieko Jo-Amor e nyimgi,+Ne gin jo ma roboche mana ka yiend sida, kendo ma roteke mana ka yiend mwaloni;*Ne aketho olembene man malo kod tiendene man piny.+
10 Ne agolou e piny Misri,+Ne amiyo uwuotho e thim kuom higni 40,+Mondo ukaw piny Jo-Amor.
11 Ne aketo yawuotu moko jonabi+To moko ne aketo Jo-Nazir.+
Yaye Jo-Israel, donge ne atimonu kamano, koso?’ Jehova owacho.
12 ‘To ne usiko umiyo Jo-Nazir divai mondo gimadhi,+Kendo ne ukwero jonabi niya: “Kik ukor wach.”+
13 Kuom mano, abiro dinou ka ma untieno,Mana kaka gari mopong’ gi cham dino gima nie bwoye.
14 Jang’wech ok noyud ka ma doringie mondo otony,+Teko mar ng’at ma ratego biro lal,Kendo onge jalweny ma biro reso ngimane.
15 Ng’at ma bayo asere biro ringo,Jang’wech ok bi tony,Kendo jaidh faras ok bi reso ngimane.
16 Kata mana jalweny ma jachir ahinyaNoring duk chieng’no,’+ Jehova owacho.”
Weche Moler Piny
^ Hibrania, “jal ma ng’adone bura.”
^ Kata, “puonj.”
^ Kata, “hekalu.”
^ Ma en yath miluongo ni oak e dho Kisungu.
