Amos 3:1-15
3 “Yaye un Jo-Israel, winjuru wach ma Jehova osewacho kuomu, ee, un oganda duto ma ne agolo e piny Misri:
2 ‘In kendi e ma aseng’eyi kuom ogendni duto mag piny.+
Mano e gimomiyo abiro kumi nikech richoni duto.+
3 Be ji ariyo nyalo wuotho kanyachiel ka ok gichano motelo?
4 Be sibuor nyalo ruto e bungu ka onge gima domaki?
Be sibuor* nyalo ng’ur e ode ka onge gima omako?
5 Be winyo nyalo moko e obadho ka ok ochike gi gimoro?*
Be obadho nyalo mako gimoro ka onge gima otuge?
6 Ka tung’ oywak e dala, donge ji nyaka bed maluor?
Ka masira moro omuoch e dala, donge Jehova e mokele?
7 Adier, Jehova Wuon Loch Duto ok nyal timo gimoro amoraMa ok oelo wachne ma ling’ling’ ne jotichne ma jonabi.+
8 Sibuor oseruto!+ Ng’ano ma ok bi bedo maluor?
Jehova Wuon Loch Duto osewuoyo! Ng’ano ma ok bi koro wachne?’+
9 ‘Landuru wachno e ohinga mochiel motegno mag AshdodKendo e ohinga mochiel motegno mag Misri.
Wachuru niya: “Chokreuru mondo uked gi gode mag Samaria;+Neuru tungni manie iyeKendo kaka mecho ni kuno.+
10 Nimar ok ging’eyo timo gik makare,” Jehova owacho,“Mana jogo mokano timbe gero kod kethruok e ohingagi mochiel motegno.”’
11 Kuom mano, ma e gima Jehova Wuon Loch Duto owacho,‘Jasigu biro lworo pinyi,+Obiro mayi tekoni duto,Kendo obiro yako ohinga magi mochiel motegno.’+
12 Ma e gima Jehova owacho,‘Mana kaka jakwath reso tielo ariyo mag le moro, kata bath it rombo e dho sibuor,E kaka ibiro res Jo-Israel,Jogo man Samaria mobet e wi otendni mabeyo kod kombe mabeyo.’+
13 ‘Chik iti mondo isiem jood Jakobo,’ Jehova Wuon Loch Duto kendo Nyasach oganda lweny owacho.
14 ‘Nimar e odiechieng’ ma abiro kumoe Israel nikech kethoge duto,+Abiro kumo bende kendo mag misengni mag Bethel;+Ibiro ng’ad oko tunge mag kendo mag misengni mi ginilwar piny.+
15 Abiro muko ute molos ne ndalo koyo kod molos ne ndalo liet.’
‘Abiro muko ute molos gi lak liech,+Kendo udi madongo* biro gore piny,’+ Jehova owacho.”
Weche Moler Piny
^ Kata, “sibuor motegno.”
^ Kata nyalo bedo, “ka onge gima lombe e i obadhono.”
^ Kata nyalo bedo, “udi mang’eny.”
