Amos 4:1-13
4 “Winjuru wachni, un dhok mag Bashan,Un dhok manie god Samaria,+Un mon ma sando jochan+ kendo thago jo modhier,Ma wacho ne chwogi* ni, ‘Kelnwauru gima dwamadhi!’
2 Jehova Wuon Loch Duto osekuong’ore kuom lerne ni,‘“Neuru! Ndalo biro ma abiro lierou gi ramaki,To jou modong’ nalier gi olowu.
3 Unuwuog oko gi kuonde momukore e kor ot, ng’ato ka ng’ato kochiko nyime;Kendo ibiro witu Harmon,” Jehova owacho.’
4 ‘Biuru Bethel mondo utim richo,+Biuru Gilgal mondo umed timo richo!+
Keluru misengniu+ gokinyi,Keluru chiwou mag achiel kuom apar+ e odiechieng’ mar adek.
5 Chiwuru makate moketie thowi ka misango mar erokamano;+Landuru matek chiwo magu mugolo kuhero!
Nikech mano e gima uhero timo, yaye Jo-Israel,’ Jehova Wuon Loch Duto owacho.
6 ‘Ne agolo chiemo* e miechu madongo dutoKendo nagolo makate e uteu duto;+To ne ok uduogo ira,’+ Jehova owacho.
7 ‘Bende, ne ageng’onu koth kuom dweche adek ka pok keyo ochopo;+Nageng’o koth mondo kik chue e dala moro, to e dala machielo nakelo koth.
Koth ne chue kamoro,To komachielo ne otwo nikech koth ne onge.
8 Ji moa e mier ariyo kata adek ne wuotho kool nyaka e dala moro mondo gimodh pi,+To pigno ne ok romgi;To ne ok uduogo ira,’+ Jehova owacho.
9 ‘Ne akelonu chieng’ mager kod tuoche.+
Ne umedo yaro puotheu kod puotheu mag mzabibu,To det-bonyo nochamo yiend ng’opeu kod mag zeituni;+To pod ne ok uduogo ira,’+ Jehova owacho.
10 ‘Ne akelonu masiche kaka mag Misri.+
Ne anego yawuotu gi ligangla+ kendo ne akawo fareseu.+
Asemiyo tik marach man kuonde mudakie othing’ou;+To pod ne ok uduogo ira,’ Jehova owacho.
11 ‘Ne amiyo olo jouMana kaka Nyasaye ne otieko Sodom gi Gomora.+
Ne uchalo mana ka osiki ma oyudh e mach;To ne ok uduogo ira,’+ Jehova owacho.
12 Omiyo, mano e gima abiro timoni, yaye Israel.
Nikech abiro timoni kamano,Ikri romo gi Nyasachi, yaye Israel.
13 Neuru! En e ma nochueyo gode+ kod yamo;+Onyiso dhano gik moparo,Oloko piny ma oseru ma bed mudho,+Kendo onyono kuonde moting’ore malo e piny;+Jehova Nyasach oganda lweny e nyinge.”
