Amos 6:1-14
6 “Yaye, nobed malit ne jo Sayun mochayo piny,Jo ma paro ni odak gi kuwe e god Samaria,+Jo ma nigi huma e ogendni madongo,Jo ma Israel dhi irgi!
2 Idhuru loka Kalne mondo une.
Kendo ua kanyo udhi Hamath Maduong’,+Ridreuru mwalo nyaka Gath e piny Filistia.
Be gibeyo moloyo pinjeruodhigo?*
Koso pinygi duong’ moloyo maru?
3 Ang’o momiyo ugolo e pachu odiechieng masira+Kendo urwako loch mopong’ gi mahundu?+
4 Ginindo e otendni molos gi lak liech+ kendo giriere e kombegi mayom,+Ka gichamo yimbe kod nyiroye machwe;+
5 Gichuogo wende sa asaya ma nyatiti oywak,+Kendo giloso gige thum mana ka Daudi.+
6 Gimadho divai e bakunde+Kendo giwirore gi modhi ma nigi suya mamit.
To ok gidew masira moyudo Josef.+
7 Omiyo, gin e ma gibiro kwongo dhi e tuech,+Kendo nyasi mag jo ma oriere e kombe biro rumo.
8 ‘Jehova, Wuon Loch Duto osekuong’ore,’+ Jehova Nyasach oganda lweny wacho kama,‘“Asin gi sunga mar Jakobo,+Asin gi ohingane mochiel motegno,+Abiro chiwo dalano kaachiel gi gik manie iye e lwet wasigu.+
9 “‘“To ka ji apar odong’ e ot moro, gin bende gibiro tho.
10 Eka watgi* moro biro kawogi mi enowang’gi achiel bang’ machielo. Obiro golo chokegi e odno, kae to obiro penjo ng’ato ang’ata manie odno kama, ‘Be pod nitie jo ma odong’ kanyo?’ To obiro dwoko ni, ‘Onge!’ Eka obiro wacho ni, ‘Ling’ thi! Magi ok gin kinde mag hulo nying Jehova.’”
11 Nimar Jehova e ma osegolo chik,+Obiro goyo ot maduong’ piny,Kendo muko ot matin mi lokre pith.+
12 Be farese ringoga e lwanda?
Be ng’ato dipur kuondego gi dhok?
Useloko bura makare mobedo yiend sum,Kendo timbe makare mobedo yath makech.+
13 Umor mana gi gik manono,Kendo usungoru ni, “Donge wasebedo jo ma nigi teko?”+
14 Kuom mano, yaye Jo-Israel, abiro kelonu oganda moro mondo oked kodu,’+ Jehova Nyasach oganda lweny owacho,‘Gibiro sandou chakre Lebo-hamath*+ nyaka e Aora man Araba.’”
Weche Moler Piny
^ Nenore ni iwuoyo kuom pinyruoth mar Juda kod mar Israel.
^ Hibrania, “owadgi wuon-gi.”
^ Kata, “ka ma idonjogo Hamath.”
