Amos 8:1-14
8 Ma e gima Jehova Wuon Loch Duto ne okelona e fweny: Ne aneno okapu moting’o olemb ndalo oro!
2 Eka ne openja niya: “Amos, ineno ang’o?” Ne adwoke niya, “Aneno okapu ma nigi olemb ndalo oro.” Eka Jehova ne onyisa niya: “Giko mar Jo-Israel osechopo. Ok abi weyonegi richogi kendo.+
3 ‘Chieng’no wende miwero e hekalu nobed mana wende ywagruok,’+ Jehova Wuon Loch Duto owacho, ‘Ringre jo motho ibiro wit kuonde duto,+ kendo piny biro ling’ thi!’
4 Winjuru wachni, un jo ma nyono jochanKendo ma tieko jo modhier e piny,+
5 Ma wacho ni, ‘Sawo mar dwe manyien biro rumo karang’o+ mondo waus chambwa?
Sabato norum karang’o+ mondo waus chambwa?
Mondo wang’ad efa* obed matinTo shekel* obed gi nengo maduong’,Mondo wati gi gige pimo mag miriambo;+
6 Mondo wang’iew jochan gi fedhaKendo jo modhier gi nengo mar wuoche tielo achiel,+Kendo waus chambwa maricho.’
7 Jehova osekuong’ore gi Sunga mar Jakobo,+‘Wiya ok nowil ngang’ gi timbegi duto.+
8 Piny biro yiengni nikech wachni,Kendo ji duto modak e iye biro ywak.+
Donge obiro pong’ mana ka Nael,Mi otugre kaka apaka kendo dok piny mana ka Nael man Misri?’+
9 Jehova Wuon Loch Duto owacho niya, ‘E odiechiengno,Abiro miyo chieng’ opodh godiechieng’ tir,Kendo piny biro yuso godiechieng’.+
10 Abiro loko sewni magu mondo gibed ywagruok+Kendo wendeu duto nalok obed wende ywagruok.
Abiro miyo ji duto orwak gunia e nungogi kendo abiro lielo yie wi ji duto;Odiechieg’no ji noywagre mana ka gima giywago wuoyi ma miderma,Giko odiechieng’no nobed malit adier.’
11 ‘Neuru! Ndalo biro,’ Jehova Wuon Loch Duto owacho,‘Ma abiro oroe kech e piny,Ok kech mar makate kata riyo mar pi,To mar winjo weche Jehova.+
12 Gibiro wuotho ka gibagni a e nam achiel nyaka machielo
Kendo chakre nyandwat nyaka ugwe.
Gibiro wuotho koni gi koni ka gimanyo wach Jehova, to ok gibi yudo.
13 E odiechiengno, nyiri mabeyo nopodh nikech olo,Yawuoyi bende nopodh nikech riyo;
14 Jo ma kuong’ore gi richo mar Samaria+ kendo ma wacho ni,“Mana kaka nyasachi ngima, yaye Dan!”+
Kendo ni, “Mana kaka yo ma dhi Beer-sheba+ nitie!”
Biro podho, ok ginichung’ kendo ngang’.’”+
