Amos 9:1-15
9 Ne aneno Jehova+ kochung’ e wi kendo mar misango, mowacho niya: “Go wi siro, mondo dho rangeye oyiengni. Tong’ wiyegi, to ng’ato ang’ata modong’ abiro nego gi ligangla. Ng’at ma otemo ringo kata pondo, ok bi tony.+
2 Kata ka gipondo e Liel,*Lweta biro gologi kuno;Kata ka giidho nyaka e polo,Pod abiro duokogi piny.
3 Kata ka gipondo e wi Karmel,Abiro manyogi, mi agolgi kuno.+
To ka gipondona e bwo nam,Abiro oro thuol kuno mondo okagi.
4 Ka wasikgi oterogi e tuech,Abiro oro ligangla mondo oneggi kuno;+Abiro chomo wang’a kuomgi mondo atimnegi gima rach to ok gima ber.+
5 Nimar Jehova Nyasach oganda lweny kendo Wuon Loch Duto e ma mulo piny,Mi piny leny nono,+ kendo ji duto modak e iye biro ywak;+Pinyno duto biro pong’ mana ka Nael,Kendo dok piny mana ka Nael man Misri.+
6 ‘Jal ma loso raidhine e poloKendo ogero ode e wi piny;Jal ma luongo pige mag nam,Mondo opukgi e wi piny+—Jehova e nyinge.’+
7 ‘Yaye, Jo-Israel, donge uchalona mana gi Jo-Kush?’ Jehova owacho.
‘Donge an e ma nagolou e piny Misri,+Kendo Jo-Filistia e piny Krete,+ kod Jo-Siria e piny Kir?’+
8 ‘Neuru! Wenge Jehova, Wuon Loch Duto rango pinyruoth ma timo richo,Kendo obiro gole oa e piny.+
To ok abi tieko joka Jakobo chuth,’+ Jehova owacho.
9 ‘Neuru! Agolo chik,Kendo abiro piedho Jo-Israel e kind ogendni duto,+Mana kaka ipiedho cham e rachungi,Ma kata cham achiel ok lwar piny.
10 Joga duto ma timo richo biro tho gi ligangla,Ee, jogo ma wacho ni, “Masira ok bi chopnwa kata sudo butwa.”’
11 ‘E odiechiengno, abiro chungo kiru mar Daudi+ ma nopodho,Abiro loso kuonde momukore,Kendo anolos kuonde ma nojwang’;Abiro gere mi obed kaka e ndalo machon,+
12 Mondo gikaw mwandu modong’ Edom,+Kod ogendni duto moseluongo nyinga,’ Jehova Nyasaye ma timo kamano e ma osewacho.
13 ‘Neuru! Ndalo biro,’ Jehova owacho,‘Ma japur biro juko jal ma keyo,Kendo ng’at ma nyono olemb mzabibu nojuk ng’at ma ting’o kodhi;+Divai mamit biro ton koa e gode madongo,+Kendo enomol e gode matindo duto.+
14 Abiro choko joga ma Jo-Israel ma noter e tuech+Gibiro gero mier ma nojwang’ mi ginidagie;+Gibiro pidho mzabibu kendo madho divai maggi,+Gibiro puro puothe kendo chamo olembegi.’+
15 ‘Abiro pidhogi e lopgi,To ok bi pudhgi kendo ngang’E piny ma ne amiyogi,’+ Jehova Nyasachu owacho.”
Weche Moler Piny
^ Hibrania, “Sheol.” Som Tiend Weche.
