Ayub 12:1-25
12 Eka Ayub nodwoko niya:
2 “Kuom adier, un e jo mariek,Kendo ka utho to rieko duto olal!
3 Kata kamano, an bende ariek.
Onge gima uloyago.
Be nitie ng’at ma kia gik musewachogo?
4 Asedoko ng’at ma osiepene nyiero+Nikech aluongo Nyasaye ka ageno ni obiro konya.+
Ng’ato ang’ata makare kendo ma onge ketho ji nyiero.
5 Ng’at ma ok chandre ochayo jo ma thagore,Koparo ni masira yudo mana jo ma bagni.
6 Jokuoge odak gi kuwe e hembegi,+Kendo jo ma wang’o i Nyasaye odak ma onge gi luoro,+Gin jo ma oting’o nyisechegi e lwetgi.
7 Kuyie, nonuru le, to gibiro puonjou;Kata winy me kor polo, to gibiro nyisou.
8 Ng’iuru gik manie piny, to gibiro puonjou;Kata rech manie nam to gibiro nyisou.
9 Mane kuomgi ma kiaNi lwet Jehova e ma ochueyogi?
10 Ngima gik moko duto nie lweteKaachiel gi muya ma ji duto yueyo.+
11 Donge it pimo weche mowinjoMana kaka lep pogo ndhath chiemo?+
12 Donge rieko yudore kuom jo ma hikgi ng’eny,+Kendo dak aming’a kelo rieko?
13 Nyasaye nigi rieko kod teko;+En gi puonj mabeyo kendo winjone tut.+
14 Komuko gimoro, onge ng’at ma nyalo gero gino kendo;+Gima oseloro onge ng’at ma nyalo yawo.
15 Kogeng’o koth, gimoro amora me piny tuo;+To koyawo ne koth, piny pong’ gi ataro.+
16 Nyasaye nigi teko kod rieko;+Ng’at ma timo richo kaachiel gi ng’at ma rwako jowetene e richo, duto nie lwete.
17 Omiyo jong’ad bura wuotho gi tiendgi lilo,Kendo omiyo gibedo mofuwo.+
18 Omayo ruodhi teko,+Kendo olokogi wasumbni.
19 Omiyo jodolo wuotho gi tiendgi lilo,+Kendo omayo joloch teko;+
20 Omiyo jong’ad rieko mogen ling’ thiKendo omayo jodongo rieko;
21 Okuodo wi jo ma nigi teko,*+Kendo omiyo jo ma roteke bedo manyap;
22 Oelo tiend gik mopondo e mudho,+Kendo okelo ler ka ma mudho mandiwa nitie.
23 Omiyo pinje bedo gi teko mana mondo okethgiKendo omiyo kwan mar ji medore mana mondo otergi e tuech.
24 Omayo jotend ji rieko
Kendo oweyo mondo girundre arunda e thim.+
25 Omiyo gimenyo amenya e mudho mandiwa;+Ka gikwang’ akwang’a mana ka jo ma omer.+
Weche Moler Piny
^ Hibrania, “Oolo achaya kuom jo ma nigi teko.”
