Ayub 16:1-22
16 Ayub nodwoko niya:
2 “Asewinjo weche mang’eny ma chalo gi ma uwachonagi.
Uduto un johoch manono!+
3 Wecheu manonogi ok rum?
Ang’o ma chwalou mondo uwuo kama?
4 Da bed ni un e ma gik ma oyudagi oyudou,
An bende ne anyalo wuoyo kaka un.Ne anyalo chuoyou gi weche mang’enyKa akinonu wiya.+
5 An to ok datimo kamano. Dategou gi weche mowuok e dhoga,Kendo weche mowuok e dhoga dohoyou.+
6 Kata awuo manade, mano ok duokna rem piny,+Kendo kata ka aling’, be mano dikuena rem?
7 An to koro Nyasaye osemiyo aol,+Osetieko jooda duto.
8 Nyasaye osemaka, kendo ji oseneno mano,Osemiyo adhero mi dherona miyo iloya gi bura.
9 Nyasaye osekidha matindo tindo gi mirimbe, kendo omakona sadha.+
Nyasaye kayona lake.
Jasika okwarona wang’e.+
10 Giseng’amo dhogi malach mondo gingama,+Gisejara ka gigoyo lemba matek;Ginywakona ji mang’eny.+
11 Nyasaye osewita e lwet yawuoyi matindo,Kendo ojwang’a e lwet jo maricho.+
12 Ne an gi kuwe, kae to Nyasaye otura matindo tindo;+Nomaka gi ng’uta kae to ogoya piny mong’inja;Kendo olawa kaka dolaw jasigu.
13 Joge ma bayo aserni olwora koni gi koni;+Nyasaye chuoyo nyirokena+ kendo ok owinjna lit;Opuko kedhnona piny.
14 Ogoya mana ka ng’at ma muko kor ot;Omwomore kuoma ka jalweny.
15 Asetwang’o law gunia mondo aumgo denda,+Luor duto ma ne ji miya aseyiko e buru.+
16 Aseywak mi wengena oowore+Kendo okuot,
17 Kata obedo ni onge mahundu moro amora ma asetimoKendo lamona ler e nyim Nyasaye.
18 Yaye piny, kik ium remba!+
We ywakna osik ka winjore.
19 Kata mana gie sani, janenona nie polo,Ng’at ma nyalo dokna e bura ni malo.
20 Osiepena jara,+Ka an to pi wang’a mol malich ne Nyasaye.+
21 Mad bedie ni ng’ato nyalo yalo bura manie kind Nyasaye gi dhano,Mana kaka iyalo bura momako ng’ato gi nyawadgi.+
22 Nimar higni modong’na nok,Kendo achiegni dhi ka ma ji kodhiye to ok duog.+