Ayub 19:1-29
19 Ayub nodwoko niya:
2 “Ubiro chuoyo chunya nyaka karang’o,+Ka utura gi weche malit kama?+
3 Useyanya nyadipar;Kendo wiu ok kuodi kutimona malit kama.+
4 Ka en adier ni atimo marach,Donge kethono ni kuoma?
5 Ka uramo ni ubeyo moloya,Kuwacho ni gik malit moseyuda owinjore koda,
6 Ng’euru ni Nyasaye e ma osewuonda,Kendo osemaka e obadho mochikona.
7 Ne! Agoyo nduru nikech ahinyora, to onge ng’a ma winja;+Aywak mondo ng’ato okonya, to onge ng’at ma konya.+
8 Nyasaye osedinona yo gi ohinga mar kite, kendo ok anyal kadho;Oseimo yorena gi mudho.+
9 Osemaya duong’naKendo osegolo osimbo e wiya.
10 Omuka nyaka arum ka ot mimuko koni gi koni;Opudho genona mana kaka ipudho yath.
11 Mirimbe ger kuoma,Kendo okwana mana ka jasike.+
12 Jolwenje osebiro molworo hemba,Mondo gimonja.
13 Oseriembo owetena mondo odhi mabor koda,Kendo ji duto mong’eya koro ok dwara.+
14 Wedena oseweya,Kendo jo ma nang’eyo wigi osewil koda.+
15 Jo mawelo manie oda+ kaachiel gi jotichna ma nyiri wuondore ni gikiaya;Achalnegi mana ka wendo.
16 Aluongo jatichna to ok odwoka;Kata ahombe manade mondo onyisa ng’wono, ok odew.
17 Mucha ng’we ne chiega,+Kendo adum tik marach ne owetena.
18 Kata mana nyithindo ochaya;Ka aomo ni achung’, to gichako jara.
19 Osiepena duto ma ne ageno osin koda+Kendo jo ma ne ahero koro olokore koda.+
20 Adong’ choke lilo,+Kendo asetony e lak tho.
21 Nennauru lit, un owetena, nennauru lit,Nikech lwet Nyasaye osemula.+
22 Ang’o momiyo usanda mana kaka Nyasaye sanda,+Kusiko ubolona wach?+
23 Mad ndikie wechena piny,Mad a ndikie wechenagi e buk!
24 Mad gorie wechenagi gi tindo e lwanda,Mondo gisik nyaka chieng’!
25 Nimar an gadier ni jawarna+ ngima,Enobi bang’e mochung’ e piny.
26 Kata ka denda osekethore kama,Anane Nyasaye ka pod angima,
27 Ee, ananene gi wang’a awuon,Wang’a awuon e ma biro nene, to ok wang’ ng’at machielo.+Kata kamano, e chunya ma iye awinjo ka aol ahinya!
28 Upenjoru ni, ‘Wasande e yo mane?’+
Nimar uneno ni an e ma akelo sandruok kuoma awuon.
29 To koro luoruru ligangla,Nimar ligangla en mar kumo jo ma oketho;+Onego ung’e ni nitie jal ma ng’ado bura.”+