Ayub 24:1-25
24 “Ang’o momiyo Ng’at Manyalo Duto ok oketo chieng’ mong’adoe bura?+
Ang’o momiyo jo ma ong’eye ok ne odiechiengno?
2 Ji choro kiewo mag lopegi;+Kendo gikwalo rombe mondo gimed e jambgi.
3 Gikawo punde mag nyithi kiyeKendo ka chi liel oholo gimoro, gimako ruadhe mondo obed gir singo.+
4 Gitamo jo modhier wuotho e nderni;Kendo jochan bende pondonegi.+
5 Jo modhier manyo chiemo gi kinda mana kaka punda me thim;+Gimanyo ne nyithindgi chiemo kuonde motwo.
6 Chuno ni gidhi gike e puothe jomokoKendo gihul* e puothe mzabibu mag jo maricho.
7 Ginindo duge otieno mangima;+Nimar gionge gik ma digigeng’go koyo.
8 Koth goyogi;Kendo gidiyore e dir lwendni nikech gionge kar buok.
9 Imayo chi liel nyathine ka en e thuno;+Kendo ka jo modhier oholo gimoro, ikawo lepgi mondo obed gir singo,+
10 Mano miyo giwuotho duge ma onge lewni,Kendo giting’o cham ka gin giwegi to gin kech.
11 Gitiyo matek e bugni* ka chieng’ kech.*Kendo gibiyo mzabibu to riyo negogi.+
12 Jo ma tho chur e gweng’;Jo ma ohiny marach ywak mondo okonygi,+Nyasaye to ok ne ni mago gin gik ma ok owinjore.
13 Nitie jo ma ok dwar ler;Ok gihero ler,+Kendo yore ler ok giluw.
14 Janek chiewo ka piny pok oyawore;Onego jachan gi ng’at modhier,+To gotieno okwelo.
15 Jaterruok rito mondo piny oimre,+Kowacho ni, ‘Onge ng’at ma biro nena!’+
Kendo oumo wang’e mondo kik fwenye.
16 Gituro udi gotieno;Gilorore e udi godiechieng’.
Giluoro ler.+
17 Giluoro ler mar odiechieng’ mana kaka ji oluoro mudho;Nimar ging’iyo gi gik ma buogo ji e mudho.
18 Kata kamano, iyweyogi mapiyo mana ka gima pi tero.
Ibiro kuong’ lopgi.+
Kendo ok gibi dok e puothegi mag mzabibu.
19 Mana kaka oro gi liet lenyo pe,E kaka Liel* bende lal gi jaricho.+
20 Wi min mare nowil kode; kendo kute nochame.
Ok bi pare kendo ngang’.+
Ibiro tur jo ma ok kare mana kaka ituro yath.
21 Jaricho timo marach ne dhako ma ok nyuol,Kendo osando chi liel.
22 Nyasaye biro tiyo gi tekone mondo otiek jo ma roteke;Kata obedo ni ginyalo yudo duong’, ok gin gadier ka ginibed mangima kata ooyo.
23 Kata obedo ni Nyasaye oweyo mondo gidag gi kuwe,+Pod orango gik moko duto ma gitimo.+
24 Giting’ore malo kuom kinde matin kae to gilal nono.+
Iduokogi piny+ kendo githo mana kaka ji duto.
Ing’adogi mana ka cham mikayo.
25 Be nitie ng’at ma nyalo wacho ni ariamboKata ma nyalo kwedo wechena?”
Weche Moler Piny
^ Kata, “gihun; giful.”
^ Kata, “buche.”
^ Kata nyalo bedo, “gibiyo mor zeituni e mtaro ma bethene oger gi kite.”
^ Hibrania, “Sheol.” Som Tiend Weche.
