Ayub 3:1-26
3 Bang’ mano, Ayub nochako wuoyo kokuong’o odiechieng’ ma ne onyuolee.+
2 Ayub nowacho niya:
3 “Okuong’ chieng’ ma ne onyuolae,+Kendo okuong’ otieno ma ng’ato nowachoe ni, ‘Omak ich nyathi ma wuoyi!’
4 Odiechiengno mondo olokre mudho!
Nyasaye man malo kik dew odiechiengno.Ler bende kik rieny e odiechiengno.
5 Odiechiengno mondo obed mudho mandiwa.
We boche polo ma rotenge oime.
We mudho mandiwa oim ler modiechieng’no.
6 Mudho mandiwa mondo omuony otienono,+Kik mor bedie e odiechiengno,Kendo kik kwane e dwe moro amora mar higa.
7 Ee, otienono obed otieno ma ok makie ich nyathi;Kendo ma ng’ato ok kogie gi mor.
8 We okuong’ odiechieng’noGi jo ma ong’eyo chiewo Levayathan.*+
9 Sulwene mag okinyi obed mudho;Odiechieng’no odwar ler to ler kik bedie,Kendo piny kik yawre odiechiengno.
10 Nikech ne ok odino i mamana;+Kata geng’o wang’a kik ane chandruok.
11 Marang’o ne ok atho sa ma ne inyuola?
Ang’o momiyo ne ok atho e ich?+
12 Minwa nopira e chongene nang’o?Ne omiya thuno mondo adhodh nikech ang’o?
13 Di koro anindo ma onge gima chanda;+Di koro ayueyo ayueya+
14 Kaachiel gi ruodhi kod jong’adnegi rieko mosetho,Ma ne ogero kuonde ma sani odong’ gunda,
15 Kata di koro anindo gi jotelo ma ne nigi dhahabu,Kendo ma ne opong’o utegi gi fedha.
16 Ang’o momiyo ne ok abedo ka nyathi mobuog,Ang’o momiyo ne ok abedo ka nyithindo ma pok noneno ler ngang’?
17 Nimar e i liel kata mana jo maricho yueyo;Jo ma tekogi orumo bende yueyo kuno.+
18 Kuno mabuse* bende yueyoe,Kendo onge nyapara ma chunogi gi tich.
19 Jo matindo gi jo madongo romre kuno,+Misumba bende ogony mobedo ma onge ruoth.
20 Ang’o momiyo Nyasaye oweyo jo ma chandore mondo one ler,Kendo oweyo jo ma chandore malit obed mangima?+
21 Nang’o gigombo tho to ok githo?+
Kata obedo ni gimanyo tho moloyo mwandu mopand,
22 Gin jo ma bedo moil ka giyudo ka ma iyikogie,Kendo gibedo mamor ahinya.
23 Ere gimomiyo Nyasaye oweyo jo ma yoregi odinore obed mangima,Jo ma oseloronegi e i chiel?+
24 Kar chiemo to aywak aywaka,+Kendo ywakna matek+ wuo mana ka pi aora.
25 Gik ma aluoro e ma oseyuda,Kendo gik ma buoga e ma timorena.
26 Aonge kuwe, ok anyal ling’, kendo ok anyal yueyo,Chandruok e ma siko birona.”
