Ayub 31:1-40
31 “Asetimo singruok gi wengena.+
Omiyo, ere kaka dang’i dhako machielo ka agombe?+
2 Ka po ni agombo dhako machielo, en pok mane ma dayud kowuok kuom Nyasaye man malo,Ang’o ma dayud kowuok kuom Ng’at Manyalo Duto modak e polo?
3 Donge masira orito jarichoKendo chandruok e ma orito jo ma timo gik maricho?+
4 Donge Nyasaye neno yorena duto+Kendo okwano ondamona duto?
5 Be asegawuothoe gi jo ma wacho miriambo?
Koso be asegarikni mondo awuond ng’ato?+
6 We Nyasaye opima e ratil makare;+Mondo ofweny ni an ng’at matir.+
7 Ka di po ni tiendena obayo yo+ Kata ka gik ma wang’a neno osewuondo chunya+Kata ka po ni richo osemieno lweta,
8 We achuo kodhi to ng’at machielo e ma ocham,+Kendo gik ma apidho ji opudh.*
9 Ka di po ni chunya osegombo dhako machielo+Kendo asebuto+ e dho ranga osiepna,
10 To chiega mondo oreg ne ng’at machielo,Kendo jomoko onind kode.+
11 Tim ma kamano dibed tim dwanyruok,Kendo ng’at motimo kamano onego okum gi jong’ad bura.+
12 Nimar en tim ma chalo mach ma wang’o gik moko duto,+
En mach ma nyalo tieko gik moko duto ma an-go.
13 Ka po ni jatichna ma wuoyi kata ma nyako ne nigi wach* moro kodaTo ne ok atimone makare,
14 Ang’o ma datim ka Nyasaye ochoma gi wachno,
Dadwoke nade kopenja wachno?+
15 Donge Jal ma ne ochueya e ich e ma nochueyogi gin bende?+
Donge Ng’at achielno e ma nochueyowa waduto e ich?+
16 Ka po ni ne atuono jochan gik ma ne gidwaro+Kata ne amiyo chi liel obedo gi wang’ mokuyo nikech ne ok akonye;+
17 Kata ka po ni ne achiemo kendaMa ok apog ne nyithi kiye;+
18 (Nimar a e tinna, asebedo ka arito nyithi kiye mana kaka wuon-gi,Kendo asebedo ka akonyo mond liete e ngimana duto.*)
19 Ka po ni ne aneno ng’at ma koyo negoKata ne aneno jachan ma onge lewni ma dorwaki;+
20 Ka po ni ne ok giguedha+Nikech ne ok amiyogi yie rombena mondo giumrego;
21 Ka po ni ne asiemo nyathi kich matek gi lweta+Ka ne odwaro ni akonye e dho ranga dala;*+
22 To kare we bada ojakre kowuok e goka,Kendo we bada otur gie okumbona.
23 Ne ok anyal timo kamano nikech ne aluoro masira ma ne Nyasaye nyalo kelona,Kendo ne ok anyal chung’ e nyim duong’ne.
24 Ka po ni ne aketo genona kuom dhahabuKata ne awacho ne dhahabu ma lilo ni, ‘In e genona!’+
25 Ka po ni ne abedo mamor nikech ne an jamwandu+Kendo nikech ne asechoko mwandu mogundho;+
26 Ka po ni ne aneno wang’ chieng’ marienyKata ka po ni ne aneno dwe ka dhi mos e kor polo;+
27 Mi giywayo chunya,Kendo alamogi kuom nyodho lweta kendo fwayogo e yamo;+
28 Mano domiyo abedo jaketho mowinjore okum gi jong’ad bura,Nimar mano donyiso ni akwedo Nyasaye madier man malo.
29 Be asegabedoe mamor sa ma itieko jasika+Koso be asegail sa ma masira oyude?
30 Pok ne atimo richo gi dhogaKa akuong’e mondo otho.+
31 Donge ji duto modak e hemba oyie niOnge ng’at ma pok ochamo chiemba.*+
32 Onge ng’at ma wendo* ma ne aweyo mondo onind oko;+Dhooda ne ayawo ne jowuoth.
33 Be asegatemo umo richona kaka jomoko,+Kuom pando kethona e ofuko mar lawa?
34 Be asegabuok nikech gik ma oganda wacho,Koso be asegaluor nikech achaye maggi,Mi gimiyo aling’ kendo aluor wuok oko?
35 Mad ng’ato ne winjae!+
Daket sei e weche ma asewachogi.*
Ng’at Manyalo Duto mondo odwoka!+
Mad ng’at ma donjona ondik piny weche ma odonjonago!
36 Dating’gi e goka,Kendo dasidhgi e wiya kaka osimbo.
37 Dalerne gik moko duto ma asetimo,Dadhi e nyime gi chir mana kaka jatelo.
38 Ka po ni puodho ma apuro nigi wach kodaKendo ka oywakna;
39 Ka dabed ni asechamo nyak mar puodhono ma ok achulo,+Kata miyo weg puodhono oywak nikech amayogi puodho;+
40 We kuthe e ma odong e puodhono kar nganoKendo we buya ma dum tik odong kanyo kar shairi.”
Weche mag Ayub ogik gi ka.
Weche Moler Piny
^ Kata, “ji opudh nyikwaya.”
^ Kata, “bura.”
^ Hibrania, “nyaka aa e i mamana.”
^ Kata nyalo bedo, “Ka po ni ne ang’eyo ni jobura riwa lwedo.”
^ Hibrania, “ring’o.”
^ Kata, “jadak.”
^ Kata, “Mae e sei mara.”
