Ayub 35:1-16
35 Elihu nomedo wacho niya:
2 “Be in gadier ni in kare wacho ni,
‘An ng’at makare moloyo Nyasaye’?+
3 Nimar iwacho ni, ‘Be timna makare obadhe?*
Be nitie ohala ma aseyudo nikech ok asetimo richo?’+
4 Adwaro miyi dwokoIn kaachiel gi osiepeni.+
5 Ting’ wang’i ing’i polo,Ne boche+ man malo.
6 Ka itimo richo, be iparo ni mano hinyo Nyasaye?+
Ka richoni omedore mobedo mang’eny, be mano ditime gimoro?+
7 To ka in ng’at makare, mano konye gang’o;Be nitie gima inyalo miye?+
8 Richoni hinyo mana dhano kaka in,Kendo timni makare konyo mana dhano wadu.
9 Ji ywak sa ma isandogi malit;Giywak mondo oresgi e lwet joteko ma sandogi.+
10 To e ma onge ng’at ma penjore ni, ‘Nyasaye ma Jachuechna ere,+Nyasaye ma miyo ji pake gi wer gotieno?’+
11 En Nyasaye ma puonjowa+ moloyo le manie piny,+Kendo omiyowa rieko moloyo winy ma fuyo e kor polo.
12 Ji ywakne to ok owinjgi,+Nikech gin jo maricho kendo ma sungore.+
13 Kuom adier, Nyasaye ok nyal winjo ywak manono;+Ng’at Manyalo Duto ok dew ywak ma kamago.
14 To koro nade in, be iparo ni dowinji gi kaka isebedo kiywak ni ok inene!+
Wachni ni e nyime, omiyo rite arita mondo okaw okang’.+
15 Nimar pok okumi gi mirima;Kendo oseweyoni weche ma ok kare miseriknigo.+
16 Ayub yawo dhoge gi weche manono;Owuoyo mang’eny ma ok ong’eyo gima owacho.”+
Weche Moler Piny
^ Nyalo bedo ni owuoyo e wi Nyasaye.
