Ayub 36:1-33
36 Elihu ne omedo wacho niya:
2 “Med hori koda matin, kendo chikna iti,Nimar pod an gi weche ma adwaro wacho e lo Nyasaye.
3 Abiro lero weche duto ma ang’eyo a e tiende nyaka giko,Kendo abiro hulo ayanga ni Jachuechna+ en ng’at makare.
4 Kuom adier, weche ma awacho ok gin miriambo;Giwuok kuom Jal mong’eyo weche duto.+
5 Adier, Nyasaye nigi teko+ to ok ocha ng’ato ang’ata;Riekone bende tut.
6 Ok obi reso jo maricho,+To jochan obiro timonegi makare.+
7 Wang’e ni kuom jo makare;+Oketogi ruodhi,+ kendo oting’ogi malo nyaka chieng’.
8 To ka otue jo makare gi nyororo,Mi chandruok oduodogi mana ka tonde,
9 Nyasaye nyisogi richo ma gisetimo,Onyisogi richo ma sungagi osekelonegi.
10 Oyawo itgi mondo giwinj siem,Kendo okwerogi ni giwe timo richo.+
11 Ka giwinjo Nyasaye kendo gitiyone,Ngimagi dhi maber ndalogi duto,Kendo gibiro dak gi kuwe kinde duto.+
12 To ka gitamore winjo Nyasaye, ligangla biro negogi+Kendo gibiro tho ma onge gima ging’eyo.
13 Mopogore gi jo makare, jo ma ok dew Nyasaye to mako sadha.
Kata ka Nyasaye otueyogi, ok giywagne mondo okonygi.
14 Gidak e ngima mar anjawo, giwuotho gi chwo ma chodo e hekalu;+Omiyo, githo ka pod gitindo.+
15 Kata kamano, Nyasaye reso jochan e chandruokgi;Oyawo itgi mondo giwinje sa ma isandogi.
16 Nyasaye goli e chandruok+Kendo oketi ka malach ma inie thuolo,+Oketoni chiemo mamit e mesani mondo ohoyigo.+
17 Ibiro mor neno ka ing’ado bura ne jo maricho,+Kendo neno ka tim makare e ma tiyo.
18 Kata kamano, bed motang’ mondo mirima kik mi iwuo marach,*+Kendo kik iwe asoya machwe ogoli e yo makare.
19 Ka ok itimo kamano, be iparo ni ywakni biro konyiKata kindani biro goli e chandruok?+
20 Kik igomb ni otieno ochopSeche ma ji osewuok kuonde ma ne gintie ma gidok e miechgi.
21 Kik idonj e richoMana ni mondo iwe thagori.+
22 Nyasaye tekone ng’eny miwuoro;Be nitie japuonj ma dipim kode?
23 Onge ng’at mosegachiko* Nyasaye+Kata mosegawachone ni, ‘Gima itimono rach’?+
24 Kik iwe pako tijene,+Tijene ma ji osepako gi wer.+
25 Ji duto oseneno gik ma Nyasaye osetimo,Dhano ng’iyogi gi ku ma bor.
26 Ee, duong’ mar Nyasaye odhiero dhano ng’eyo;+Kendo hike ng’eny ma dhano ok nyal kwano.+
27 Nyasaye kawo pi e nam,+Kendo oloke koth mi ochue.
28 Boche olo pigno piny;+Kendo koth chue ne dhano.
29 Be nitie ng’at mong’eyo kaka boche yarore e polo,Kata kaka polo mor kowuok e hembe?+
30 Ne kaka omenyo ler*+ e kor poloKendo kaka omiyo nembe matut pong’ gi pi.
31 Mano e kaka opidho ji;Komiyogi chiemo mogundho.+
32 Oumo mil polo gi lwete,Kendo ochike mondo odimb ka ma ogoyo.+
33 Mor polo nyiso duong’ne,Kata mana jamni bende ong’eyo ng’ama* biro.
Weche Moler Piny
^ Kata, “ipam ne ng’ato lweti e yor ajara.”
^ Kata nyalo bedo, “mosekwero; mosedonjo ne.”
^ Hibrania, “mil polo.”
^ Kata nyalo bedo, “gima.”
