Ayub 7:1-21
7 “Donge ngima dhano e piny opong’ gi thagruok,Kendo ndalone chalo gi mar ng’at ma chandore gi tij andika?+
2 Chunye gombo kar tipo mana kaka misumba,Kendo orito chudone mana kaka misumba.+
3 E yo ma kamano, an bende ngimana osebedo kayiem nono kuom dweche mang’enyKendo asechandora ahinya otieno modhuro.+
4 Ka adhi nindo, apenjora ni, ‘Piny biro ru sa adi?’+
Kendo apuodora apuoda otieno duto nyaka piny ru.
5 Denda duto opong’ gi kute kod odeyo mag chilo;+Denda opong’ gi adhonde kod tutu.+
6 Ndalona ringo ng’wech moloyo sandan mar kuocho,*+Kendo girumo piyo ma onge geno.+
7 Ng’e ni ngimana chalo yamo,+Kendo ni wang’a ok nochak one mor kendo.
8 Ng’at ma nena sani ok nochak onena kendo;Ibiro manya, to ok ibi yuda.+
9 Kaka bor polo lal nono,E kaka dhano manie Liel* ok duog kendo.+
10 Ok noduog e ode kendo,Kendo wi joge nowil kode.+
11 Omiyo, ok abi ling’.
Abiro wuoyo nikech lit manie chunya;Anaywagra nikech chandruogena malit!+
12 Koso iparo ni an nam kata ondieg nam,Momiyo iketona arita?
13 Ka awacho ni, ‘Abiro nindo;Kendo kitandana biro miyo ayue ne chandruogena,’
14 To ikelona lek ma bwogaKendo imiya fweny ma miya luoro,
15 Ma miyo agombo ni ng’ato ong’ad mucha,Ee, agombo tho moloyo bedo mangima e dendani.+
16 Ajok gi ngimanani;+ Ok adwar bedo mangima kendo.
Weri koda, nikech ndalona chalo muya.+
17 Dhano ma nyalo tho obadhie ang’o,
Ma miyo iketo pachi kuome?+
18 Ang’o momiyo inone okinyi kokinyiKendo iteme sa ka sa?+
19 Ok dilokie wang’i mondo ing’iye ka machieloMondo iwena thuolo matin amuonyie olaw?+
20 In Jal ma nono dhano, ka po ni asetimo richo, be mano dihinyi?+
Ang’o momiyo an e ma isiko iluwa?
Koso dibed ni ijok koda?
21 Ang’o momiyo ok inyal weyona richonaKendo ok inyal ng’wonona kuom kethona?
Machiegnini, abiro nindo e lowo,+Kendo ibiro manya, to ok ibi yuda.”
