Fweny mar Johana 15:1-8
15 Eka ne aneno ranyisi machielo e polo, ranyisi maduong’ kendo miwuoro. Ne aneno malaike abiriyo+ ma nigi masiche abiriyo. Magi e masiche mogik ma Nyasaye biro tiekogo mirimbe.+
2 Kendo ne aneno gima ne nenore ka nam ma chal gi kio+ mokikore gi mach kanyachiel gi jo ma oseloyo+ ondiegno gi kido mare+ kod namba mar nyinge.+ Ne gichung’ e bath nam ma chal gi kiono ka giting’o gige thum mag Nyasaye.
3 Ne giwero wend Musa+ misumba Nyasaye gi wend Nyarombo+ ka giwacho niya:
“A Jehova* Nyasaye Manyalo Duto,+ tijeni dongo kendo beyo miwuoro.+ A Ruoth mochwere,+ yoreni nikare+ kendo gin adier.
4 A Jehova,* en ng’a ma ok nyal luori kendo miyo nyingi duong’, nikech in kendi e ma imakori chuth gi jogi?+ Nimar ogendni duto nobi kendo lamo e nyimi,+ nikech koro oseel chikeni miseketo.”
5 Bang’ mago, ne aneno koyaw ka maler mar hema mar chiwo neno+ e polo,+
6 kendo malaike abiriyo ma nigi masiche abiriyogo+ nobiro koa e ka maler, ka girwakore gi nengni maler mag kitani ma pichni, kendo ne gitueyo nengni mag dhahabu kolworo korgi.
7 Achiel kuom chuech mangima ang’wenka nomiyo malaike abiriyogo bakunde abiriyo mag dhahabu ma igi ne opong’ gi mirimb Nyasaye,+ ma en jal ma dak nyaka chieng’.
8 Eka ka malerno ne opong’ gi yiro nikech duong’ mar Nyasaye+ kendo nikech tekone, kendo onge ng’at ma ne nyalo donjo ei ka malerno ka pok masiche abiriyo+ mag malaike abiriyogo orumo.
