Habakuk 1:1-17
1 Weche ma Nyasaye ne onyiso janabi Habakuk* e fweny:
2 A Jehova, nyaka karang’o ma abiro ywakni mondo ikonya to ok iwinja?+
Abiro kwayi nyaka karang’o ni igola e timbe mahundu, to ok iresa?+
3 Ang’o momiyo iweyo aneno gik maricho?
Ang’o momiyo iweyo mondo osand ji?
Ang’o momiyo timbe gero kod kethruok nie nyima?
Ang’o momiyo dhawo gi lweny medore ameda?
4 Ji ok luw chik,Kendo bura ok yal gadier.
Joricho olworo jo makare;Mano e momiyo bura iyalo mobam.+
5 “Ranguru ogendni mondo une gima timore!
Wuoruru kendo uhum nono;Nikech gimoro biro timore e ndalouMa ok ubi yiego kata ka onyisu.+
6 Neuru! Achungo Jo-Kaldea,+Oganda ma kwiny kendo ma muomore.
Giwuotho e piny koni gi koniMondo gima ji ute.+
7 Giger kendo gimiyo ji luoro.
Giketo chikegi giwegi kendo gitimo gik ma miyogi duong’.+
8 Faresegi ringo moloyo kwach,Kendo gikwiny moloyo ondiegi ma wuotho gotieno.+
Faresegi mag lweny chikore matek;Faresegi a ka mabor.
Giridore piny mana ka otenga ma dwaro yudho chiemo.+
9 Giduto gibiro mondo gikel mahundu.+
Sa ma gichokore wengegi chalo gi yamb ugwe,+Kendo gichodho jo ma gimako mana ka kuoyo.
10 Gijaro ruodhiKendo ginyiero jotelo.+
Gijaro kamoro amora mochiel motegno;+Gidhuro pidhe kuondego kae to gikawogi.
11 Eka gikalo piyo piyo mana ka yamo,Kata kamano, bura biro loyogi,+Nikech giwacho ni nyasachgi e ma miyogi teko.”*+
12 A Jehova, donge in e Nyasaye ma nyaka chieng’?+
A Nyasacha, Jalerna, in ok inyal tho.*+
A Jehova, in e ma niketogi mondo ging’ad bura;Yaye Lwandana,+ niketogi mondo gikel kum.+
13 Wengeni ler ahinya, ok inyal ng’iyo richo,Kendo ok inyal ling’ kineno gik maricho.+
Ang’o momiyo iling’ aling’a to ndhogruok ng’eny?+
Ang’o momiyo iling’ sa ma jaricho mwonyo ng’at ma timbene ni kare moloye?+
14 Ang’o momiyo imiyo dhano bedo ka rech manie nam,Kendo ka gik mamol ma onge jatelo?
15 Omako* gigo duto gi olowo.
Omakogi gi gogone,Ochokogi e gogone.
Mano e momiyo omor sidang’.+
16 Mano e momiyo ochiwo misengni ne gogoneEe, ogolo ne gogone misengni;Nikech mago e ma kelone pok momewo,Kod chiemo ma miyo.
17 Be obiro dhi nyime golo gik momako e gogone?*
Be obiro dhi nyime nego ogendni ma ok okechogi?+
Weche Moler Piny
^ Tiende nyalo bedo, “Kwako Ng’ato gi Mor.”
^ Kata nyalo bedo, “Nikech nyasachgi e tekogi.”
^ Kata nyalo bedo, “ok wabi tho.”
^ Tiende ni, jowasik Kaldea.
^ Kata nyalo bedo, “dhi nyime wuodho liganglane?”
