Habakuk 3:1-19
3 Ka ma e kaka janabi Habakuk ne oywagore e lamo:
2 A Jehova, asewinjo humbi.
A Jehova, tijeni miyo ahum.
Tim tijeni e dier hignigi!*
Tijeni mondo ong’ere e dier hignigi.*
Mad ipar nyiso ng’wono e kinde tungni.+
3 Nyasaye noa Teman,Ng’at Maler ne oa e Got Paran.+ (Sela)*
Duong’ne noumo polo;+Kendo piny nopong’ gi pakne.
4 Ne orieny mana ka chieng’.+
Pilni ariyo ne wuok e lwete,Ka ma ne opandoe tekone.
5 Tuoche ne otelo e nyime,+Kendo midhusi ne luwo tiende.
6 Ne ochung’, mi oyiengo piny.+
Ne ong’iyo ogendni mi gitetni.+
Gode madongo ma nyaka nene nong’injore,Kendo gode matindo mosebedoe chakre chon ne okulore.+
Yorene osebedoe chakre chon.
7 Ne aneno chandruok e hembe mag Kushan.
Lep hema man e piny Midian ne otetni.+
8 A Jehova, dibed ni imon gi aoche,Dibed ni in gi mirima mager gi aoche?
Koso imon gi nam?+
Nimar ne iidho fareseni;+Gecheni mag lweny nolocho.+
9 Osegol atung’ mari kendo oikore.
Imiyo ludhe* tich bang’ timo singruok.* (Sela)
Ibaro piny gi aoche.
10 Gode noywak malit ka ne gineni.+
Ohula nomwomo ka ridore.
Ka matut noruto gi dwonde.+
Ne oting’o bade malo.
11 Wang’ chieng’ gi dwe nochung’ kargi moting’ore malo.+
Aserni magi ne ringo mana ka ler.+
Tongi ne mil ka polo.
12 Ne iwuotho e piny gi mirima.
Ne inyono ogendni gi ich-wang’.
13 Ne iwuok mondo ires jogi, mondo ires ng’ati mowir.
Ne iketho jatend od joricho.
Ne oele chakre e misene nyaka e tate. (Sela)
14 Ne ichuoyo wi jolwenje gi gigene mag lwenyKa ne gibiro keya mana ka yamo mager.
Ne gimor tieko aling’ling’ ng’at ma sandore.
15 Ne ing’ado nam gi fareseni,Ne ing’ado apaka madongo.
16 Ne awinjo mano mi atetni;Duolno nomiyo dhoga otetni.
Chokena notow;+Tiendena ne tuomore;Kata kamano, arito odiechieng masira ka aling’ mos,+Nikech odhi biro ne jo ma monjowa.
17 Kata ka yadh ng’owo ok oloth,Kendo onge mzabibu e yien;Kata ka yadh zeituni otho,Kendo puothe ok onyago cham;Kata ka kueth orumo e kul,Kendo dhok ok otue e loyegi;
18 An to, abiro il kuom Jehova;Abiro mor kuom Nyasach warruokna.+
19 Jehova Wuon Loch Duto e tekona;+Obiro miyo tiendena obed mayot ka mag mwandaObiro miyo awuoth kuonde moting’ore malo.+
Weche Moler Piny
^ Kata nyalo bedo, “e ndalowa.”
^ Kata nyalo bedo, “e ndalowa.”
^ Som Tiend Weche.
^ Kata nyalo bedo, “aserni.”
^ Kata nyalo bedo, “Iwacho singruok mag dhoudi.”
