Hosea 1:1-11
1 Wach Jehova ma nobiro ne Hosea* wuod Beeri e ndalo ma Uzia,+ Jotham,+ Ahaz+ kod Hezekia+ ne locho e piny Juda,+ kendo e ndalo loch Jeroboam+ wuod Joash+ ruodh Israel.
2 Ka ne Jehova ochako wuoyo gi joge kotiyo gi Hosea, Jehova nonyise kama: “Dhi ikend dhako ma jachode ma biro nyuoloni nyithindo gi chwo mamoko,* nikech chode osemiyo pinyni ong’anyo chuth ne Jehova.”+
3 Omiyo, nodhi mokendo Gomer nyar Diblaim. Gomer nomako ich monyuolone wuoyi.
4 Eka Jehova nowachone niya: “Chak nyathino ni Jezreel,* nimar achiegni kumo od Jehu+ kuom remo ma ne ochuer Jezreel, kendo abiro tieko loch mar od Israel.+
5 Chieng’no abiro turo atung’ mar Israel e Hoho mar Jezreel.”
6 Gomer ne omako ich kendo, mi onyuolo nyako. Eka Nyasaye ne onyiso Hosea niya: “Chak nyathino ni Lo-ruhama,* nikech ok anachak anyis od Israel ng’wono+ kendo, to abiro riembogi gia e nyima.+
7 To abiro nyiso od Juda+ ng’wono, kendo anaresgi gi lwet Jehova Nyasachgi;+ ok anaresgi gi atung’, kata gi ligangla, kata gi lweny, kata gi farese, kata gi joidh farese.”+
8 Bang’ ka Gomer noseweyo dhodho Lo-ruhama, ne omako ich kendo monyuolo wuoyi.
9 Eka Nyasaye nowacho niya: “Chake ni Lo-ami* nikech ok un joga, kendo ok an Nyasachu.
10 “To Jo-Israel nobed mang’eny ma ok nyal kwan kata pim mana ka kuoyo manie nam.+ Kendo ka ma ne owachnegie ni, ‘Ok un joga,’+ e ma ibiro wachnegie ni, ‘Un e nyithind Nyasaye mangima.’+
11 Bang’e, ibiro chok Jo-Juda kod Jo-Israel kanyachiel,+ kendo gibiro yiero jatelo achiel mi giniwuog e pinyno, nimar odiechieng Jezreel+ nobed odiechieng’ maduong’ ahinya.
Weche Moler Piny
^ Nying Hoshaia kondik e yo machuok en Hosea. Tiend nyingno en “Jah e Morese; Jah Oreso.”
^ Kata, “ma biro nyuoloni nyithi chode.”
^ Tiende ni, “Nyasaye Biro Chuoyo Kodhi.”
^ Tiende ni, “Ok Nonyise Ng’wono.”
^ Tiende ni, “Ok Un Joga.”
