Hosea 10:1-15
10 “Israel en mzabibu mokethore* ma nyago olemo.+
Kaka olembene medore, e kaka omedo gero kendo mag misango;+Kaka pinye medo nyak maber, e kaka omedo loso sirni mabeyo mag kite.+
2 Chunygi opong’ gi wuondruok;Koro bura biro loyogi.
Nitie ng’at ma biro ketho kendo maggi mag misango, kendo muko sirnigi mag lamo.
3 Gibiro wacho ni, ‘Waonge ruoth,+ nikech ok waluoro Jehova.
To ruoth dikonywa gang’o?’
4 Giwacho weche manono, gikuong’ore gi miriambo,+ kendo gitimo singruoge;Omiyo, bura ma ging’ado chalo gi buya ma nigi sum motwi e puodho.+
5 Jo modak Samaria biro luor nikech sanamu mar roya ma Beth-aven.+
Jo ma lame biro ywage,Jodolo ma miyo nyasaye ma nonono duong’ bende biro ywage,Nimar ibiro tere e tuech.
6 Ibiro tere Asuria kaka mich ne ruoth maduong’.+
Efraim biro yudo wich-kuot,Israel bende noyud wich-kuot nikech noluwo rieko ma ne ong’adne.+
7 Ibiro tiek chuth Samaria kaachiel gi ruodhe,+Mana ka kede ma lewre e wi pi.
8 Ibiro keth+ kuonde moting’ore mag Beth-aven,+ ma miyo Israel timo richo.+
Kuthe kod riegni biro twi e kendo maggi mag misango.+
Ji biro wacho ne gode madongo ni, ‘Umwauru!’
Kendo ne gode matindo ni, ‘Podhuru kuomwa!’+
9 Yaye Israel, isetimo richo chakre ndalo mag Gibea.+
Kuno e ma gisesikoe.
Lweny ne ok ojuko jo ma ne ohero timo gik ma ok kare e Gibea.
10 Abiro kumogi kinde ma adwaro.
Ji biro riwore kanyakla mondo omonjgi,Sa ma ibiro tuenegi kethogi ariyo.*
11 Efraim ne en roya motieg ma ne ohero dino cham,Omiyo, ne ok achando ng’ute.
Koro abiro keto ng’ato mondo oidh Efraim.+
Juda biro puro; Jakobo biro toyone lowo.
12 Chwouru kodhi mag tim makare mondo uka hera madier.
Pururu puothe minyalo pur+Ka kinde pod nitie mar manyo Jehova,+Nyaka chieng’ ma nobi puonjou gik makare.+
13 To usepuro gik maricho,Usekayo gik ma ok kare,+Kendo usechamo olembe ma miriambo onyago;Nikech usegeno yoreu uwegi,Kaachiel gi jolwenju mang’eny.
14 Koko mar jolweny biro winjore e kind jogi,Kendo mier magi mochiel motegno duto ibiro kethi,+Mana kaka Shalman ne oketho od Arbel,Chieng’ ma ne okidh mine gi nyithindo e lweny.
15 Yaye Bethel, ma e gima ibiro timni+ nikech richoni mang’eny.
Ibiro neg ruodh Israel ka piny oru.”+
Weche Moler Piny
^ Kata nyalo bedo, “ma landore.”
^ Tiende ni, sa ma giyudo kum gichalo jo ma otuenegi jok.
