Hosea 12:1-14
12 “Efraim chamo yamo.
Odiechieng’ duto olawo mana yamb ugwe.
Miriambo kod timbe mahundu medore ameda kuome.
Gitimo singruok gi Asuria,+ kendo gitero mo Misri.+
2 Jehova nigi wach gi Juda;+Obiro kumo Jakobo kaluwore gi yorene,Kendo obiro chule kaluwore gi timbene.+
3 Ne omako ofunj tiend owadgi e ich,+Kendo ne okedo matek gi Nyasaye.+
4 Ee, ne okedo gi malaika mi olocho.
Ne oywak kendo saye mondo oguedhe.”+
Ne oyude Bethel, kendo kanyo e ma ne owuoyoe kodwa,+
5 Jehova e Nyasach oganda lweny,+Jehova e nyinge ma iparego.+
6 “Kuom mano, duoguru ir Nyasachu,+Beduru gi hera mosiko kendo utim gik makare,+Genuru Nyasachu kinde duto.
7 Jalok ohala oting’o gik pimo ma ok ni kare;Ohero mecho.+
8 Efraim siko ka wacho ni, ‘Adier, asebedo jamoko;+Aseyudo mwandu.+
Kuom tichna duto, ok ginyal nwang’o ketho kata richo moro amora.’
9 To an Jehova Nyasachi chakre ka ne in e piny Misri.+
Abiro miyo udag e hembe kendoMana kaka e kinde ma noket.*
10 Ne awuoyo gi jonabi,+Ne amiyogi fweny mang’eny,Kendo kokalo kuomgi, ne awuoyo gi ngeche.
11 Gilead opong’ mana gi miriambo*+ kod wuond.
Gichiwo misengni mag ruedhi e Gilgal,+Kendo maggi mag misango chalo gi pidhe mag kite e puodho mosepur.+
12 Jakobo ne oringo nyaka e piny Aram;*+Israel+ ne otiyo kuno mondo oyud dhako,+Ne okwayo rombe mondo omiye dhako.+
13 Jehova ne ogolo Israel e piny Misri kotiyo gi janabi,+Kendo janabi e ma ne orite.+
14 Efraim osemiyo Nyasaye mirima mager;+Buch remo odong’ e wiye;Ruodhe biro chule nikech wich-kuot ma osekelone.”+
