Hosea 13:1-16
13 “Ka ne Efraim owuoyo, ji ne tetni,Ne en gi huma e Israel.+
Ne otimo richo kuom lamo Baal+ mi otho.
2 To koro gimedo mana timo richoGithedho sanamu mag fedha;+Gilony e loso sanamu, tije duto mag lwedo.
Giwachonegi ni, ‘Ji duto ma chiwo misengni mondo onyodh nyiroye.’+
3 E momiyo ginibed ka boche polo mokinyi,Ka tho ma lal piyo e lum,Ka mihudhi ma yamo keyo e kar dino,Kendo ka yiro ma wuok e kendo.
4 To an Jehova Nyasachi chakre ka ne in e piny Misri.+
Ne ok ing’eyo Nyasaye machielo mak mana an,Kendo an kenda e Jawar.+
5 Ne ang’eyi e thim,+ e piny motwo.
6 Pewe mag kwath ne oromogi,+Ne giyieng’ mi chunygi obedo gi sunga.
Omiyo, wigi nowil koda.+
7 Anabednegi mana ka sibuor,+Anabutnegi e yore mana ka kwach.
8 Anabinegi mana ka dubu ma osema nyithinde,Abiro yiecho korgi.
Abiro ngamogi kuno mana ka sibuor;Ondiek biro kidhogi matindo tindo.
9 Enotieki, yaye Israel,Nikech iseng’anyona, iseng’anyo ne jakonyni.
10 Kare ere ruodhi, mondo obi oresi e miecheni duto,+Kod jotelo* ma ne ikwaya kiwacho ni,‘Miya ruoth gi jotelo’?+
11 Namiyi ruoth ka iya owang’,+Kendo anamayigo gi mirima.+
12 Ketho mar Efraim osebo maber;Richone osekan.
13 Muoch biro kaye mana ka dhako ma nyuol.
To en nyathi mofuwo;Ok odwar wuok sa ma onego onyuolee.
14 Anaresgi e teko mar Liel;*Anawargi e lwet tho.+
In Tho, ere masiche magi?+
In Liel, ere kethruok mari?+
Ok anakechgi kata matin.
15 Kata ka odongo maber e kind odundu mamoko,Yamb ugwe nobine, ee, mana yamb Jehova,Obiro a e thim, obiro duono sokni mage.
Obiro yako kuonde mokanoe mwandune duto mabeyo.+
16 Ibiro kum Samaria+ nikech oseng’anyo ne Nyasache.+
Ligangla e ma biro tiekogi,+Nyithindgi ibiro kidh matindo tindo,Kendo ibiro yiech i mondegi ma yach.”
