Hosea 14:1-9
14 “Yaye Jo-Israel, duoguru ir Jehova Nyasachu,+Kethou e ma osemiyo uchwanyoru.
2 Duoguru ir Jehova ka uwachone niya,‘Yie iwenwa kethowa,+ yie gi gik mabeyo ma wachiwoni,Kendo wabiro paki gi dhowa+ mana kaka dwachiwni nyiruedhi.
3 Asuria ok bi resowa.+
Ok wabi idho farese,+Kendo ok wanachak wawach ne gik ma waloso gi lwetwa ni, “A Nyasachwa!”
Nikech in e ma inyiso nyithi kiye ng’wono.’+
4 Abiro chango timgi mar andhoga.+
Abiro herogi gi chunya duto,+Nikech mirimba osea kuome.+
5 Anabedne Israel ka tho momoko e lum;Obiro thiewo ka mauaTiendene biro gurore mana ka yiende mag Lebanon.
6 Bedene biro loth,Berne nobed ka yadh zeituni,Kendo obiro golo suya mamit ka yiend Lebanon.
7 Gibiro dak e tipone kendo.
Gibiro pidho cham, gibiro loth ka yiend mzabibu.+
Enobed gi huma ka divai ma Lebanon.
8 Efraim nowach ni, ‘Sanamugi konya gang’o?’+
Anadwoke kendo anarite.+
Abiro chalo ka yadh junipa ma loth maber.
An e ma abiro miyi olemo.”
9 Ng’ano mariek? We mondo owinj tiend wechegi.
Ng’ano ma tero weche mos? We mondo ong’e wechegi.
Nimar yore Jehova ochikore tir,+Kendo jo makare biro wuotho e yorego;To joricho biro chwanyore e yorego.
