Hosea 2:1-23
2 “Wach ne oweteni ni, ‘Un joga!’*+
Kendo ne nyimineni ni, ‘Yaye, in dhako monyis ng’wono!’*+
2 Donjuru ne minu nikech oseketho; donjneuru,Nimar ok en chiega,+ kendo ok an chwore.
Onego owe chodeKendo ogol terruok e kind thundene,
3 Nono to abiro lonye mi aweye duk kaka ne onyuole,Anami odong’ ka thim,Ka piny motwo,Kendo anami otho gi riyo.
4 Ok abi nyiso nyithinde ng’wono,Nikech gin nyithindo ma onyuol e chode.
5 Min-gi osechodo.+
Dhako ma ne onyuologi ne onge wich-kuot,+ nimar nowacho ni,‘Abiro luwo bang’ joherana,+Jo ma miya chiemba gi pi,Yie rombe gi lawa mar kitani, mo kod divaina.’
6 Kuom mano, abiro dino yoreni gi kuthe;Kendo abiro gero ohinga gi kite mondo ogeng’ yo moluwo,Mondo kik ochak oluw yorene.
7 Obiro lawo joherane, to ok obi jukogi;+Obiro manyogi, to ok obi yudogi.
Eka obiro wacho ni, ‘Abiro dok ir chwora mokwongo,+Nikech ka ne adak kode ngimana ne ber moloyo sani.’+
8 Ne ok ofwenyo ni an e ma ne amiye cham,+ divai manyien, kod mo,Kendo an e ma namiye fedha mang’enyKod dhahabu, ma ne gichiwo ne Baal.+
9 ‘Omiyo, anaduog ndalo keyo mi anakaw chambaKod divaina manyien,+Kendo abiro maye law molos gi yie rombe gi law kitani ma namiye mondo oumgo duge.
10 Abiro elo duge e nyim joherane,Kendo onge ng’at ma biro rese e lweta.+
11 Abiro tieko morne duto,Nyasi mage,+ sewni mag dwe manyien, sabatone, kod sewni mamoko duto.
12 Abiro ketho yiendene mag mzabibu kod ng’ope, ma nowacho kuomgi niya:
“Magi e chudo ma joherana nomiya”;Analokgi gibed bungu,Kendo le mag bungu biro kethogi.
13 Abiro kume nikech odiechienge ma nowalo ne chiwo misengni ne sanamu mag Baal,+Kinde ma nodusore gi tere kod gigene mag dusruok mondo olombgo joherane,To ne ok opara kata matin,’+ Jehova owacho.
14 ‘Omiyo, abiro saye gi weche mamit,Abiro tere e thim,Kendo abiro wachone weche ma lombo chunye.
15 Chakre kindeno, abiro duokone puothe mag mzabibu,+Kendo Hoho mar Akor+ nobedne dho rangach mar geno;Kuno e mobiro miyae dwoko mana kaka nojatimo ka notin,Mana kaka notimo chieng’ ma ne owuok e piny Misri.+
16 Kendo chieng’no,’ Jehova owacho,‘Ok inichak iluonga kendo ni Ruodha,* to iniluonga ni Chwora.’
17 ‘Abiro golo nyinge mag sanambe mag Baal e dhoge,+Mi ok obi paro nyingego kendo.+
18 Chieng’no anatimnegi singruok gi le mag bungu,+Kendo gi winy ma fuyo e kor polo, kod le mamol e piny;+Abiro golo atung’, gi ligangla, gi lweny e piny,+Kendo anami gidag* gi kuwe.+
19 Anatim kodi singruok mar kend ma nyaka chieng’;Anasingrani gi tim makare kod adiera,Kendo gi hera mosiko kod ng’wono.+
20 Anarit singruok ma atimo kodi,Kendo adier, ining’e Jehova.’+
21 ‘Chieng’no anachiw dwoko,’ Jehova owacho,‘Anachiw dwoko ne polo,Kendo ginichiw dwoko ne piny;+
22 Piny nochiw dwoko ne cham, divai manyien, gi mo;Mi ginichiw dwoko ne Jezreel.*+
23 Anapidhe e piny kaka kodhina,+Anakech dhako ma ne ok onyis ng’wono;*Anawach ne jo ma ok joga* niya: “Un joga,”+
Kendo giniwach kama: “In e Nyasacha.”’”+