Hosea 3:1-5
3 Eka Jehova ne owachona niya: “Dhi ikaw dhako ma jachode,+ kendo ma oher gi dichwo machielo mondo ihere mana kaka Jehova ohero Jo-Israel,+ kata obedo ni gilamo nyiseche mamoko,+ kendo gihero kek moted gi mzabibu.”*
2 Omiyo, ne adhi ma ang’iewe gi fedha ma romo 15 gi homer* achiel gi nus mar shairi.
3 Eka nanyiso dhakono niya: “Ibiro dak koda kuom ndalo mang’eny. Kik ichodi, kendo kik inind gi dichwo machielo, to an bende anatimni mana kamano.”*
4 Mano en nikech Jo-Israel ok bi bedo gi ruoth+ kata jatelo kuom ndalo mang’eny. Bende, ok ginitim misango, ok ginibed gi sirni mag lamo, gi efod*+ kod terafim.*+
5 To bang’e, Jo-Israel noduogi kendo ginimany Jehova Nyasachgi+ kod ruodhgi ma Daudi.+ E ndalo mag giko, ginibi ir Jehova ka gitetni, kendo mondo giyud berne.+
Weche Moler Piny
^ Tiende ni, kek ma ne itiyogo e lamo nyiseche manono.
^ Homer achiel ne nyalo bedo kilo 130 kama. Som Apendiks B14.
^ Kata, “to an bende ok abi nindo kodi.”
^ Nenore ni mae ne en law machal gi apron kama.
^ Terafim ne gin sanamu ma joot ne lamo.
