Hosea 4:1-19
4 Un Jo-Israel, winjuru wach Jehova,Nimar Jehova nigi wach gi jo modak e pinyni,+Nikech onge adiera, kata hera, kata jo mong’eyo Nyasaye e pinyni.+
2 Singruok mag miriambo, wuond,+ nek+Kuwo kod terruok+ onya ahinya,Kendo gisiko gichuero achuera remo.+
3 Mano e momiyo piny biro ywak+Kendo ng’ato ang’ata modak e iye biro hewore;Le mag bungu kod winy ma fuyo e kor polo,Kaachiel gi rech me nam, biro tho.
4 “Kata kamano, kik bedie ng’at ma piem kata ma chiwo siem,+Nimar jou chalo gi jo ma piem gi jadolo.+
5 Omiyo, ubiro chwanyoru godiechieng’,Janabi bende biro chwanyore kodu ka ng’at ma wuotho gotieno.
Abiro tieko minu.
6 Ibiro tiek joga nikech gionge gi ng’eyo.
Usedagi ng’eya,+An bende ok abi yie ubedna jodolo;Kendo nikech wiu osewil gi chik Nyasachu,+An bende wiya biro wil gi nyithindu.
7 Kaka ne gimedore, e kaka ne gimedo timo richo e nyima.+
Abiro loko duong’gi obed wich-kuot.*
8 Gipidhore gi richo mag ogandana,Gidwaro ni joga omed ameda kethona.
9 Gima biro yudo oganda, e ma biro yudo jadolo;Abiro kumogi nikech yoregi maricho,Kendo anachulgi nikech timbegi maricho.+
10 Ginichiem, to ok giniyieng’.+
Ginichodi, to ok ginimedre,+Nikech gichayo Jehova.
11 Chode, divai kod divai manyienMayo joga chuny mar timo gik makare.+
12 Joga penjo wach kuom sanamu maggi mopa,Gitimo gik ma ludhegi nyisogi;Gisebayo yo nikech gihero chode,Kendo terruokgi osemiyo gidagi winjo Nyasachgi.
13 Gichiwo misengni e wi gode madongo,+Kendo giwang’o misengni e wi gode matindo,E bwo yadh mwaloni,* yadh libna, kod e bwo yiende duto madongo,+Nikech gin gi tipo maber.
Mano e momiyo nyigi ohero chode,To mond yawuotu tiyo mana tij terruok.
14 Ok abi kumo nyiu nikech gichodo,Kata mond yawuotu nikech giterore.
Nimar chwo ndhogore gi mon ma jochodeKendo gichiwo misengni gi ochot mag hekalu;Jo ma onge riekogo+ duto ibiro kethi.
15 Yaye Israel, kata obedo ni ihero chode,+Kik yud ketho e Juda.+
Kik ibi Gilgal+ kata Beth-aven,+Kendo kik ikuong’ri ni, ‘Akuong’ora gi nying Jehova!’+
16 Israel wiye tek mana ka dhiang’ ma wiye tek.+
Ere kaka Jehova biro kwayogi ka yim e pewe momewo?
17 Efraim oseriwore gi sanamu.+
Wereuru kode!
18 Sa ma gisetieko kong’o,*Gichako chodo.
Jotende ohero wich-kuot ahinya.+
19 Yamo biro boye e buombene,Kendo wigi biro kuot gi misengnigi.”
Weche Moler Piny
^ Kata nyalo bedo, “Giseloko duong’na mobedo wichkuot.”
^ Ma en yath miluongo ni oak e dho Kisungu.
^ Kata, “kong’o molos gi ngano.”
