Hosea 5:1-15
-
Bura moseng’ad ne Efraim kod Juda (1-15)
5 “Winjuru wachni, un jodolo,+Chikuru itu, yaye od Israel,Winji, yaye od ruoth,Nikech bura omakou;Nimar un obadho e MizpaKendo uchalo ka net mopedh e wi Tabor.+
2 Jo ma ong’anyo osedonjo matut ahinya e nek,To abiro siemogi giduto.
3 Ang’eyo Efraim,Kendo Israel ok opondo e wang’a.
To koro in Efraim, isechodo;Israel osedwanyore.+
4 Timbegi ok diyienegi duogo ir Nyasachgi,Nikech gihero chode ahinya;+Kendo ok ging’eyo Jehova.
5 Sunga mar Jo-Israel osenyiso ni gin joricho;*+Israel gi Efraim osechwanyore nikech kethogi,Kendo Juda bende osechwanyore.+
6 Ne gidhi manyo Jehova gi dhok kod rombe,To ne ok giyude.
Ne osedhi mabor kodgi.+
7 Gisendhogo Jehova,+Nikech gisenyuolo nyithindo gi mon mamoko.
To koro, dwe biro muonyogi kaachiel gi puothegi.*
8 Gouru tung’+ e Gibea, gouru turmbeta e Rama!+
Gouru milome mar lweny e Beth-aven!+ Teluru un Jo-Benjamin.
9 Yaye Efraim, inibwog ji chieng’ ma ibiro kumie.+
Asenyiso dhoudi mag Israel gima biro timore.
10 Jotend Juda chalo gi jo ma choro kiewo.+
Abiro olo mirimba kuomgi mana ka pi.
11 Efraim sandore, bura oseloye,Nimar noramo ni odhi luwo jasike.+
12 Omiyo, ne achalo mana gi kudni ne EfraimKendo ka gima otow ne od Juda.
13 Ka ne Efraim oneno tuone, kendo Juda oneno adholane,Efraim nodhi Asuria,+ mi okowo wach ne ruoth moro maduong’.
To ne ok onyal chango tuoni,Kata chango adholani.
14 Abiro bedo ka sibuor ne Efraim,Kendo ka sibuor mager ne od Juda.
Abiro kidhe matindo tindo kae to aweye;+Anatergi ka mabor kendo onge ng’at ma biro resogi.+
15 Abiro weyogi mi adog kara nyaka chop kinde ma giyudo masira nikech richogi,Eka gibiro dwaro ni anyisgi ng’wono.+
Gibiro manya kinde ma gin e chandruok.”+
Weche Moler Piny
^ Kata, “osebedonegi kaka janeno ma donjonegi.”
^ Kata nyalo bedo, “Ibiro tiekgi kaachiel gi puothegi e dwe achiel.”
