Hosea 7:1-16
7 “E kinde ma adwaro chango Israel,Ketho mar Efraim elore,+Kaachiel gi richo mar Samaria.+
Nimar gihero miriambo;+Jokuoge turo udi to jomecho mecho e nderni.+
2 To ok gipar ni wiya ok nyal wil gi timbegi maricho.+
Timbegigo olworogi koni gi koni;Gin mana e nyima.
3 Ruodhgi mor gi gik maricho ma gitimo,To jotendgi mor gi miriambogi.
4 Giduto gin jochode,Gichalo ka kendo ma jatedo osemoko mi obedo maliet,Ma koro ok chune ni ochwal mach nyaka mogo mosedwalo okuodi.
5 E odiechieng’ ma ruodhwa timoe nyasi, jotelo obedo matuo—Giger nikech divai.+
Oserieyo bade ne jojero.
6 Nimar chunygi oowore ka kendo maliet.*
Jatedo nindo otieno mangima;To gokinyi, kendo liet mana ka mach makakni.
7 Giduto gichalo gi kendo maliet,Kendo gimuonyo ruodhigi.*
Ruodhigi duto osepodho;+Onge ng’ato kuomgi ma luonga.+
8 Efraim riwore gi ogendni.+
Efraim chalo gi kek ma ok oloki.
9 Jo ma oa e pinje mamoko osetieko tekone,+ to pok ofwenyo.
Wiye otimo lwar, to ok ong’eyo.
10 Sunga mar Jo-Israel osenyiso ni gin joricho,*+To gidagi duogo ir Jehova Nyasachgi,+Kendo pok gimanye kata obedo ni gigo duto osetimorenegi.
11 Efraim chalo gi akuru mofuwo, ma onge rieko.+
Giseluongo Misri mondo okonygi;+ gisedhi ir Asuria.+
12 Kamoro amora ma gidhiye, abiro makogi gi obadho.
Abiro makogi mana ka winyo ma fuyo e kor polo.
Abiro kumogi kaluwore gi siem ma ne asemiyo ogandagi.+
13 Yaye, nobedgnegi malit nimar giseringo mi giweya!
Kethruok nobinegi nikech gisekethona!
Ne adwaro warogi, to gisewacho mana miriambo kuoma.+
14 Ne ok giluonga gi chunygi duto mondo akonygi,+Kata obedo ni ne giywagore e otendnigi.
Ne gisaro dendgi ne chambgi kod divai manyien;Giseng’anyona.
15 Kata obedo ni ne akumogi kendo ne atego lwetegi,Ging’anyona, gichano gik maricho.
16 Ne giloko yoregi, to pod ne ok giluwo yore ma malo ahinya;*Ne ok nyal gen kuomgi mana ka atung’ ma tondene ombekni.+
Jotendgi biro tho gi ligangla nikech giwacho weche mag achaya.
Gibiro bedo jo ma inyiero e piny Misri.”+
Weche Moler Piny
^ Kata nyalo bedo, “chunygi chalo ka kendo maliet sa ma gichano hinyo ji.”
^ Hibrania, “jong’ad bura maggi.”
^ Kata, “osebedonegi kaka janeno ma donjonegi.”
^ Tiende ni, kit lamo ma ok ni malo ahinya.
