Hosea 9:1-17
9 “Yaye Israel, kik ibed mamor,+Kik ibed moil kaka jomamoko.
Nikech chode osemiyo iweyo Nyasachi.+
Ihero chudo ma iyudo nikech chode ma itimo kuonde duto midinoe cham.+
2 Kata kamano, kuonde midinoe cham kod kuonde biyoe divai ok bi pidhogi,Kendo divai manyien biro reme.+
3 Ok ginidhi nyime dak e piny Jehova;+Kar mano, Efraim biro dok Misri,Kendo ginicham gik ma ok ler Asuria.+
4 Ok giniol ne Jehova chiwo mag divai;+Ok noyie gi misengni ma gichiwo.+
Gichalo gi makate mar kuyo;Ji duto mochame nobed mogak.
Nimar makateno en mana margi kendgi;Ok bi kele e od Jehova.
5 Ibiro timo ang’o chieng’ chokruok,*Chieng’ ma Jehova timoe sawone?
6 Neuru! gibiro ringo nikech masirano.+
Misri biro chokogi kanyachiel,+ kendo Memfis biro yikogi.+
Buya biro monjo gigegi mag fedha,Kendo yiende mag kuthe nobed e hembegi.
7 Ndalo mag bura nobi,+Ndalo mag chulo kuor nobi,Kendo Israel biro ng’eyo mano.
Janabigi nobed mofuwo, kendo ng’at ma wuoyo e lo Nyasaye nobed janeko;Nikech kethoni ng’eny, jowasiki ng’eny.”
8 Jarit+ mar Efraim ne ni kod Nyasacha.+
To koro yore duto mag jonabige+ chalo gi obadho mag jachik winy;Nitie sigu e od Nyasache.
9 Gisenimo e kethruok, mana kaka e ndalo Gibea.+
Obiro paro kethogi kendo kumogi nikech richogi.+
10 “Ka ne ayudo Israel, ne gichalo gi mzabibu manie thim.+
Ka ne aneno kweregi, ne gichalo gi ng’owo mokwongo nyak e yadh ng’owo.
To ne gidhi ir Baal ma Peor;+Ne gichiwore ne gima kelo wich-kuot,*+Kendo ne asin kodgi mana kaka ne asin gi gima ne giherono.
11 Duong’ mar Efraim fuyo ka winyo mi olal nono;Onge mon ma nyuol, ma yach, kata ma mako ich.+
12 To kata ka gipidho nyithindo,Abiro negogi mi chop ka ma onge ng’at modong’;+Adier, nobednegi malit ka ajwang’ogi!+
13 Efraim ma opidh ka maber, ne ochalona gi Turo;+Koro Efraim nyaka kel nyithinde mondo oneggi.”
14 Yaye Jehova, migi gima owinjore kodgi;Ich ma wuok, kod thuno ma onge chak.
15 “Timbegi maricho duto ne ni Gilgal,+ kuno e ma ne asinie kodgi.
Anariembgi gia e oda nikech timbegi maricho.+
Ok anachak ahergi kendo;+Jotendgi duto tokgi tek.
16 Ibiro go Efraim piny.+
Tiend yadhgi biro two, kendo ok gininyag olemo moro amora.
To kata ka ginyuol, abiro nego nyithindgi ma giherogo.”
17 Nyasacha biro jwang’ogi,Nimar gidagi winje,+Kendo ginibed jo ma bayo abaya e kind ogendni.+
