Isaya 26:1-21
26
Chieng’no wendni e ma ibiro wer+ e piny Juda:+
“Wan gi dala motegno.+
Osemiyo ohinga mage obedo kar resruok.+
2 Yawuru dho rangeye+ mondo oganda makare odonji,Ee, oganda ma luwo adiera.
3 Ibiro rito jogo duto mogeno kuomi;*Ibiro miyogi kuwe mosiko,+Nikech gigeno kuomi.+
4 Genuru Jehova kinde duto,+Nimar Jah* Jehova en Lwanda mosiko nyaka chieng’.+
5 Oseduoko jo ma nodak e dala moting’ore malo piny.
Omuko dalano,Ogoye piny,Ee, ogoye piny nyaka e lowo.
6 Tielo e ma biro nyone anyona,Tiend jo mithiro, ondamo mag jochan.”
7 Yor ng’at makare oriere tir.*
In ng’at matir,Ibiro loso ne jo makare yo ma giluwo.
8 A Jehova, waluwo bucheni,Kendo wageni ahinya.
Chunywa osegombo nyingi kod rapar mari.*
9 Chunya dwari ahinya gotieno,Adier, chunya siko kamanyi;+Nimar sa ma bucheni makare ochopo e piny,Jo modak e piny puonjore tim makare.+
10 Kata ka okech ng’at marach,Ok obi puonjore tim makare.+
Kata en e piny jo ma yoregi tir, pod obiro timo mana richo,+Ok obi neno duong’ mar Jehova.+
11 A Jehova, iseting’o badi malo to ok ginene.+
Gibiro neno kinda ma in-go ne jogi mi wigi nokuodi.
Ee, mach ma iseiko ne wasiki biro tiekogi.
12 A Jehova, ibiro miyowa kuwe,+Nimar gik moko duto ma wasetimo,In e ma isetimonwagi.
13 A Jehova Nyasachwa, ruodhi mamoko oselocho e wiwa,+To in kendi e ma wahulo nyingi.+
14 Gisetho; ok ginibed mangima kendo.
Gisetho, gionge teko kendo; ok gini a malo kendo.+
Nimar iseparo wachgiMondo itiekgi kendo kik chak pargi chuth.
15 A Jehova, isemedo ogandani,Adier, isemedo ogandani ahinya;Isemiri duong’.+
Iseyaro tong’ mar piny mi obedo maduong’.+
16 A Jehova, ka ne gichandore ne gimanyi;Ne giwuoyo kodi e lamo gi dwol ma piny ka ne ikumogi.+
17 A Jehova, isemiyo wachalo gi dhako machiegni nyuol,Ee, wachal gi dhako ma muoch kayoMa ywak nikech rem.
18 Ne wamako ich, muoch bende nokayowa,To chalo ka gima ne wanyuolo mana yamo.
Pok wakelo resruok e pinywa,Kendo onge ng’at ma inyuolo mondo odag e piny.
19 “Jogi motho biro bedo mangima.
Kitundni maga biro a malo.+
Chung’uru malo mondo ukog gi mor,Un jo ma odak e lowo!+
Nimar tho magi momoko e lum chalo gi tho mokinyi.*Kendo piny biro golo jo motho mondo gibed mangima.
20 Un joga, dhiuru udonj e udi ma iye,Kendo ulor dhouteu.+
Ponduru kuom kinde machuok,Nyaka chop mirimb Nyasaye okadhi.+
21 Nimar neuru! Jehova biro koa e kar dakne,Mondo ong’ad ne jopiny bura nikech kethogi,Piny biro elo remo mosechwer kuome,
Mi ok noum kendo joge mosenegi.”
Weche Moler Piny
^ Kata nyalo bedo, “jogo duto ma chunygi ok yiengni.”
^ “Jah” en nying Jehova e yo machuok.
^ Kata, “opie.”
^ Tiende ni, ji opar Nyasaye kendo giland nyinge.
^ Kata nyalo bedo, “tho momoko e alode.”
