Isaya 28:1-29
28 Yaye nobed malit ne osimbo* ma jokong’o mag Efraim sungorego+Kendo duong’ne biro chalo gi maua ma ner,Moket e wi hoho momewo ma jo modakie ohero mer gi divai!
2 Neuru! Jehova nigi ng’ate maduong’ kendo ma ratego.
Mana kaka koth ma kelo pe, ka yamo ma ketho gik moko,Ka koth ma kelo ohula maduong’,Obiro kawo osimbono, mi nowite matek nyaka e piny.
3 Osimbo ma jokong’o mag Efraim sungoregoIbiro nyon anyona.+
4 Kendo duong’ne machal gi maua ma ner,Moket e wi dala man e hoho momewoNobed kaka olemb ng’owo mokwongo chiek ka oro podi.
Ma ka ng’ato oneno, to opone mochame mapiyo.*
5 Chieng’no, Jehova Nyasach oganda lweny nobed kaka osimbo ma nigi duong’, kendo kaka kondo molos gi maua ne joge modong’.+
6 Obiro miyo ng’at ma obet e kom-bura rohone, kendo teko ne jogo ma kedo gi wasigu e dho rangach.+
7 To jogi bende oseketho nikech divai;Kong’o e ma omiyo gikwang’.
Jadolo kod janabi obayo yo nikech kong’o;Divai osemiyo girwenyo,Kendo gikwang’ nikech kong’o;Fweny ma gineno miyo gibalo,Kendo gichwanyore ka ging’ado bura.+
8 Nimar ng’ok e mopong’o mesegi duto,—Onge kata ka maler.
9 En ng’ano ma ibiro puonj,Kendo ma ibiro lerne tiend weche mipuonjo?
Be ginipuonj nyithindo ma eka ogol e thuno,Nyithindo ma koro oseweyo dhoth?
10 Nimar en mana “chik kuom chik, chik kuom chik,Lain kuom lain, lain kuom lain,*+Matin kae, matin kacha.”
11 Omiyo, obiro wuoyo gi jogi kotiyo gi jo ma ywayo dwal kod jo ma wacho dhok ma wendo.+
12 Ne osegawachonegi niya: “Kae e kar yueyo. Jo mool mondo obi oyue, mondo gibed gi chuny mokuwe,” to ne gidagi winje.+
13 Omiyo, wach Jehova biro bedonegi kama:
“Chik kuom chik, chik kuom chik,Lain kuom lain, lain kuom lain,*+Matin kae, matin kacha,”
Kendo ka giwuotho,Gibiro chwanyore mi gilwar gi ka ng’egi,Ginitur mi gimok e obadho kendo nomakgi.+
14 Omiyo, winjuru wach Jehova un josunga,Un jotend oganda e Jerusalem,
15 Nimar uwacho kama:
“Wasetimo singruok gi Tho,+Kendo wasetimo winjruok* gi Liel.*
Ka ohula maduong’ obiro,Ok obi choponwa,Nimar wuond e kar buokwaKendo wapondo e miriambo.”+
16 Omiyo, ma e gima Jehova Wuon Loch Duto owacho:
“Aketo kidi ma osetem mondo obed mise e Sayun,+En kidi ma nengone tek ma riwo kor ot+ mondo misene obed motegno.+
Onge ng’ato moketo yie kuoma ma biro luor.+
17 Abiro miyo bura makare obed kaka tol mipimogo ot+Kendo tim makare nobed rapim ma irieyogo ot.+
Kodh pe biro ywero miriambo mugeng’orugo,Kendo ohula biro pong’o kuonde mupondoe.
18 Singruok ma ne utimo gi Tho biro lal nono,Kendo winjruok ma ne utimo gi Liel* biro rumo.+
Ka ohula maduong’ obiro,Obiro tiekou.
19 Kinde duto ma ohulano biro,Obiro ywerou;+Obiro kalo okinyi kokinyi,Kendo odiechieng’ gi otieno.
Luoro kende e ma nomi giwinj tiend weche ma ne giwinjo.”*
20 Nimar otanda tin ahinya ma ng’ato ok nyal rieree,Kendo onget tin ma ok nyal umo ng’ato maber.
21 Nimar Jehova Nyasaye biro chung’ mana kaka nochung’ e Got Perazim;Obiro chung’ malo mana kaka notimo e hoho man machiegni gi Gibeon,+Mondo otim gik miwuoro,Kendo otim tije ma ji ok par ni onyalo timo.+
22 Omiyo, koro weuru ajara,+Mondo kik rid opingo ma otweugo,Nimar Jehova Nyasach oganda lweny kendo Wuon Loch Duto osegolo chik,Mondo oketh piny duto.+
23 Chikuru itu mondo uwinj dwonda;Chikuru itu mondo uwinj gima awacho.
24 Be japur puroga apura ndalo duto ma ok ochuo kodhi?
Be kinde duto otiyoga mana tij toyo lowo?+
25 Ka oseloso puodho maber,Donge okiroga kumin ma rateng’ e lowo kendo opidho kumin?Donge opidhoga ngano, kal, kod shairi kuonde mowinjore?Donge opidhoga kusemeth*+ e lak puodho?
26 Nimar Nyasaye puonje* yo makare;Nyasache e ma tiege.+
27 Kumin ma rateng’ ok din gi gir dino mabith,+Kendo tiend gari ok din-go kumin.
To kumin ma rateng’ idino gi radin,Kendo kumin igoyo gi luth.
28 Be ng’ato dinoga cham mondo olosgo makate?
Ooyo, sa modine ok odinega mobed mayom;+Kendo kata ka gari miywayo gi farese onyone,Pod ok odine.+
29 Ma bende owuok kuom Jehova Nyasach oganda lweny,Ma ng’adoga rieko mabeyoKendo ma osetimo gik madongo.*+
Weche Moler Piny
^ Nyalo bedo ni iwuoyo kuom Samaria ma ne en dala maduong’.
^ Kata, “Ma ka ng’ato oneno, to ochame ka pod en e luete.”
^ Kata, “Tol mar pimo, kuom tol mar pimo.”
^ Kata, “Tol mar pimo, kuom tol mar pimo.”
^ Kata nyalo bedo, “wasetimo gima fweny wacho.”
^ Hibrania, “Sheol.” Som Tiend Weche.
^ Hibrania, “Sheol.” Som Tiend Weche.
^ Kata nyalo bedo, “ka giwinjo tiend wechego, gibiro bedo maluor.”
^ En kit ngano ma nengone ni piny ma ne ipidho Misri.
^ Kata, “rieye; chwade.”
^ Kata, “ma riekone ber ahinya.”
