Isaya 43:1-28
43 A Jakobo, yaye IsraelJehova Jachuechni, kendo Jal ma nolosi owacho kama:+
“Kik ibed maluor, nimar asewari.+
Aseluongi gi nyingi.
In ng’ata.
2 Anabed kodi sa ma ikalo e pi,+Kendo sa ma ikalo e aoche, pi ok noimi+
Sa ma ikalo e mach, mach ok bi rewi,Ee, majno ok bi wang’i.
3 Nimar an e Jehova Nyasachi,Ng’at Maler mar Israel, kendo Jawarni.
Asechiwo Misri, Ethiopia, kod Seba,Mondo awari.
4 Ne akwani ka ng’at ma nengone duong’,+Ne aheri ahinya, kendo ne omiyi duong’.+
Omiyo, abiro chiwo ji mondo awarigo,Abiro chiwo ogendni mondo aresgo ngimani.
5 Kik iluor, nimar an kodi.+
Anakel kothi koa yo wuok chieng’Anachok jogi koa yo podho chieng’.+
6 Abiro wacho ne nyandwat ni, ‘Weuru joga!’+
Kendo ne milambo ni, ‘Kik ugeng’ joga.
Keluru yawuota man ka mabor, kod nyiga man e tung’ piny,+
7 Ng’ato ang’ata miluongo gi nyinga,+Kendo ma asechueyo mondo ayud duong’,Ee, joga ma aseloso.’+
8 Keluru jo ma nigi wengegi, to ok nyal neno,Kod jo ma nigi itgi, to ok ginyal winjo.+
9 Ogendni duto mondo ochokre,Ji bende ochokre kanyachiel.+
En ng’ano kuomgi ma nyalo hulo wachni?
Kata ma nyalo koro gik ma biro kwongo timore?*+
Weuru gikel joneno mondo ginyis ka be giwacho adier,Weuru ji owinj wechego mondo giwach ni wechego gin adier!”+
10 Jehova owacho niya, “Un jonenona,+Ee, jatichna ma aseyiero,+Mondo ung’eya kendo ugenaKendo ung’e ni an e en.+
Onge Nyasaye ma nokwongona betie,Kendo onge Nyasaye moro amora ma osebedoe bang’a.+
11 An Jehova,+ onge jawar machielo mak mana an.”+
12 Jehova owacho kama: “An e ma ne ahulo wach, ne aresou, kendo ne anyisou wachKa ne onge nyasaye moro amora e kindu.+
Omiyo, un jonenona, kendo an e Nyasaye.+
13 Bende, ok alokra;+Kendo onge ng’at ma nyalo yudho gimoro e lweta.+
Be nitie ng’at ma nyalo tama timo gimoro?”+
14 Ma e gima Jehova, Jawaru+ kendo Ng’at Maler mar Israel+ owacho:
“Abiro oro jolweny mondo odhi omuk rangeye mag Babulon mondo aresu,+Mi Jo-Kaldea man e meli biro ywak malit nikech chandruok.+
15 An Jehova, Ng’atu Maler,+ Jachuech Israel,+ kendo Ruodhu.”+
16 Ma e gima Jehova owacho,Ng’at ma loso yo e nam,Kendo ma loso ndara e apaka madongo,+
17 Ng’at ma golo geche lweny kod farese,+Oganda lweny kaachiel gi jolweny ma roteke:
“Gininind to ok gini a malo.+
Ginitho mana ka kitambi mosim.”
18 “Kik upar gik machon,Kik uket chunyu e gik mosekalo.
19 Neuru! Eri atimo gimoro manyien;+Kendo gino osechako nenore.
Pok ufwenye?
Abiro loso yo ma kalo e thim,+Kod aoche ma kalo e piny motwo.+
20 Le mag bungu biro miya duong’,Bwe kod udo biro miya duong’,Nimar asekelo pi e thim,Kendo aoche e piny motwo,+Mondo joga, ng’at ma ayiero,+ omodhi,
21 Joga ma an awuon ne alosoMondo giland weche ma miya duong’.+
22 To pok iluonga, A Jakobo,+Nikech chunyi oseol koda, A Israel.+
23 Pok ikelona rombe kaka misengni miwang’oKata miya duong’ gi misengni magi.
Pok achuni mondo ikelna mich,Kata pok ajonyi ka akwayi ubani.+
24 Ne ok ing’iewona odundu ma nigi suya mamit,Kendo boche mag misengni magi ne ok omora.+
Kar mano, isetura gi richoniKendo isejonya gi kethoni.+
25 An e ma arucho kethou+ nikech nyinga,+Kendo ok abi paro richou.+
26 Parnauru; biuru wayal wach man e kindwa;Wachuru wecheu ma nyiso ni uonge ketho.
27 Kwaru mokwongo ne otimo richo,Kendo jooteu* oseng’anyona.+
28 E momiyo abiro dwanyo jotendu man ka maler,Abiro weyo mondo oketh JakoboKendo Israel nobed oganda ma ji yanyo.+
Weche Moler Piny
^ Samoro iwuoyo kuom gik ma biro kwongo timore e kinde mabiro.
^ Samoro iwuoyo kuom jopuonj ma ne puonjogi Chik.
