Isaya 49:1-26
49 Winjauru un chulni,Chikuru itu un pinje man kuonde maboyo.+
Jehova oseluonga ka pok onyuola.+
Oseluongo nyinga ka pod an e i mamana.
2 Nopiago dhoga mobedo mabith ka ligangla;Ne opanda e tipo mar lwete.+
Ne olosa mi abedo ka asere ma nyilni;Ne oketa e ofuko mar kano asere.
3 Ne owachona niya: “A Israel, in jatichna,+Duong’na biro nenore kuomi.”+
4 To ne awacho niya: “Asetiyo matek kayiem nono.
Asetiyo gi tekrena duto e gima onge ohala.
Kata kamano, Jehova e ma nong’adna bura,Nyasaye e ma biro chula.”+
5 Jehova, Jal ma ne ochueya e ich mondo abed jatichne,Nowachona ni aduok Jakobo ire,Mondo achok Israel ire.+
Abiro yudo duong’ e wang’ Jehova,Kendo Nyasacha biro bedo tekona.
6 Nowachona niya: “Ok in mana jatichnaMa dhi chungo joka JakoboKendo kelona Jo-Israel modong’.
To aseyieri bende mondo ibed ler ne ogendni,+Mondo warruokna ochop e tung’ piny.”+
7 Jehova, Jawar Israel kendo Ng’at Maler,+ owacho ne ng’at ma chandore,+ ma piny osin-go, kendo ma jatich ruodhi niya:
“Ruodhi biro neno mi gichung’,Kendo jotelo biro kuloreNikech Jehova, ma en jadiera,+Ng’at Maler mar Israel, oseyieri.”+
8 Jehova wacho niya:
“E kinde mowinjore, ne adwoko kwayoni,+Kendo kinde warruok ne akonyi;+Ne ariti kendo ne amiyo ibedo singruok e kinda kod ogendni,+Mondo aduok piny obed kaka ne en chon,Kendo aduokgi e pinygi ma ne gisejwang’o,+
9 Mondo inyis jo motue e jela niya, ‘Wuoguru oko!’+
To jo ma nie mudho+ ni, ‘Wuoguru mondo ji oneu!’
Ginichiem e nderni,Kendo kuonde motwo* e ma ginikwaye jambgi.
10 Kech ok nokagi, riyo bende ok nologi,+Ok giniwinj liet, chieng’ bende ok nogogi.+
Nimar Ng’at ma kechogi e ma biro telonegi,+Kendo obiro tayogi e sokni ma bubni.+
11 Abiro loko godena duto obed nderni,Kendo yorena duto biro ting’ore malo.+
12 Neuru! Ginibi ka gia kuonde maboyo ahinya,+Neuru! Moko noa yo nyandwat kod yo podho chieng’,Kendo moko noa e piny Sinim.”+
13 Un polo koguru gi mor, in piny bed mamor.+
Gode bende obed mamor.+
Nimar Jehova osehoyo joge,+Kendo osekecho joge ma chandore.+
14 To Sayun ne siko wacho niya:
“Jehova oseweya,+ wi Jehova osewil koda.”+
15 Be nitie dhako ma wiye diwil gi nyathine ma pod dhothKata ma ok nyal kecho nyathine ma onyuolo?
Kata obedo ni mon wigi nyalo wil gi nyithindgi, an to wiya ok nyal wil kodu.+
16 Neuru! Asendiko nyingi e lweta.
Ohinga magi nie nyima kinde duto.
17 Nyithindi duogo iri ng’wech.
Jogo ma nogoyi piny kendo ojwang’i biro ringo.
18 Ting’ wang’i mondo ing’i alwora duto.
Giduto gichokore kanyachiel.+
Gibiro iri.
Jehova owacho niya: “Akuong’ora ni,*Ibiro rwakogi giduto kaka gik dusruok,Kendo ibiro tweyogi e dendi mana kaka miaha timoga.
19 Kata obedo ni ne oketh pinyi mi omuke kendo ojwang’e,+Koro sani obiro bedo madiny ne jo ma odak e iye,+Kendo jo ma ne omuonyi+ biro chung’ mabor.+
20 Nyithindi ma ne inyuolo bang’ ka mokwongo osetho biro wachoni niya,‘Kae diny ahinya.
Manynwa kamoro malach wadagie.’+
21 Ibiro wacho e chunyi niya,‘Wuon nyithindogi en ng’a?Nyithinda nosetho kendo an mana migumba,Ne omaka mi otera e tuech.
Ng’a mopidho nyithindogi?+
Neuru! Ne ojwang’a mi oweya kenda,+Koro obet nade ni magi nyithinda?’”+
22 Jehova Wuon Loch Duto owacho niya:
“Neuru! Abiro rieyo bada ne ogendniAbiro ng’awo bendecha malo ne ogendni,+
Gibiro kelo yawuoti ka giting’ogi e korgiTo nyigi gibiro ting’o e gokegi.+
23 Ruodhi biro tiyoni,+Kendo nyi ruodhigo biro pidho nyithindi.
Gibiro kulore nyaka e lowo+Mi ginang’ buru manie tiendi+Kendo ibiro ng’eyo ni an Jehova;Jogo mogeno kuoma ok none wich-kuot.”+
24 Be dima ng’at ma ratego jo mosemako,Kata dires jo ma oseter e tuech gi ng’at mager?
25 To ma e gima Jehova wacho:
“Ibiro gony kata mana jo ma ne omak gi ng’at ma ratego,+Kendo ibiro res jo ma oter e tuech gi ng’at mager.+
Abiro kwedo jo ma kwedi,+Kendo abiro reso nyithindi.
26 Abiro miyo jo ma sandi ocham ringregi,Kendo ginimer gi rembgi giwegi ma biro bedonegi kaka divai mamit.
Kendo ji duto nong’e ni an e Jehova,+Jawarni+ kendo Jaresni,+Nyasach Jakobo ma en Jal ma Ratego.”+
