Isaya 57:1-21
57 Ng’at makare oselal nono,To onge ng’at ma dewo wachno.
Jo adiera osegol oko,*+To onge ng’at mosefwenyo ni osekaw ng’at makareNikech masirano.*
2 Odonjo ka mokuwe.
Ji duto ma nowuotho tir koro yueyo e otandagi.*
3 “Suduru machiegni,Un nyithind ajuoga ma dhako,Un koth ng’at ma terore kod dhako ma chodo:
4 En ng’ano ma ujaro?
En ng’ano ma ung’amo ne dhou, kuminone lewu?
Donge un mana nyithind richo,Kendo nyithind miriambo?+
5 Donge ung’eny mana gi gombo maricho e kind yiende madongo,+E bwo yiende duto mabeyo,+Kunego nyithindo e hohni,+Kendo e kind lwendni maboyo?
6 Kar dak mopogni en hoho motimo lwendni mapoth.+
Adier, mano e pokni.
Ichiwonegi misengni miolo piny kod chiwo mamoko.+
Iparo ni dawe ma ok asin gi gigo, koso?
7 Ne iloso otandani e wi got moro mabor,+Kendo ne iidho kuno mondo ichiw misango.+
8 Ne ichungo raparni e tok dhoot kod e sirni mag dhoot.
Ne iweya, mi ilonyo lepi duto;Ne iidho ma iyaro otandani obedo malach.
Ne itimo singruok kodgi.
Ne ihero nindo e otandagi+Kendo ne irango duong’ mar dichwo.*
9 Ne ilor midhi ir Melek* gi mo miwirruokgoKod modhi mamoko ma nigi suya mamit.
Ne ioro jooteni ka mabor,Kendo ne ilor nyaka e Liel.*
10 Ne iol ahinya nikech ne iluwo yore mang’eny,To ne ok iwacho ni, ‘Atimo gima nono!’
Ne ineno ka tekoni oduogo,
Mano e momiyo chunyi ne ok ool.
11 En ng’ano ma ne iluoro kamanoMomiyo ichako wacho miriambo?+
Ne ok ipara.+
Ne ok iwinjo wachna.+
Koso ne idagi luora nikech ne aling’ aling’a
Mi achalo ka ng’at ma ok neni?+
12 Abiro hulo ‘timbeni makare’+ kod tijeni,+Kendo timbenigo ok bi konyi.+
13 Sa ma iywak kidwaro kony,Sanambeni ok bi konyi.+
Yamo biro terogi mabor,Ee, kata mana muya matin nono biro kudhogi mi tergi mabor,To jo ma oketa kar bwokgi e ma nobed weg pinyKendo goda maler nobed pokgi.+
14 Ubiro winjo kiwacho ni, ‘Buguru ndara, buguru ndara! Ikuru yo!+
Goluru gik moko duto ma nyalo chwanyo joga e yo.’”
15 Nimar ma e gima Ng’at Mamalo Chuth owacho,Jalo ma dak nyaka chieng’+ kendo ma nyinge ler:+
“Adak ka ma ni malo kendo maler,+Gi jogo ma chunygi onyosore kendo ma chandore,Mondo aduog chuny jo ma chandore,Kendo aduog chuny jo ma onyosore.+
16 Nimar ok abi dagigi kinde dutoKata siko gi mirima kodgi;+Nimar ka atimo kamano, to chuny dhano biro nyosore,+
Kaachiel gi gik mamoko duto mangima ma ne achueyo.
17 Mirima ne omaka nikech ne ohero timbe mag mibadhi,+Omiyo ne achwade, mi apandone wang’a, kendo ne asin kode.
To ne omedo wuotho awuotha ka andhoga+ ma luwo yo ma chunye dwaro.
18 Aseneno yorene,Kata kamano abiro change,+ kendo abiro taye+Abiro hoye*+ kaachiel gi joge duto mokuyo.”+
19 Jehova owacho niya: “Achueyo weche mag pak.*
Ng’at modak mabor kod ng’at modak machiegni biro bedo gi kuwe mosiko.+An awuon abiro change.”
20 “To joricho chalo gi nam motugore ma ok nyal kuwe,Kendo pige oselokore mana chuodho kod yugi.”
21 Nyasacha wacho niya: “Joricho ok nobed gi kuwe.”+
Weche Moler Piny
^ Tiende ni, osetho.
^ Kata nyalo bedo, “Mondo kik one masira.”
^ Tiende ni, e liete.
^ Samoro iwuoyo kuom lamo nyiseche manono.
^ Kata nyalo bedo, “ir ruoth.”
^ Hibrania, “Sheol.” Som Tiend Weche.
^ Kata, “Abiro chule.”
^ Kata, “Achueyo olemo mar dhok.”
