Isaya 60:1-22
60 “A Jerusalem,* a malo+ irieny, nikech lerni osechopo.
Duong’ mar Jehova rieny kuomi.+
2 Neuru! Mudho biro imo pinyMudho mandiwa biro umo ogendni;To Jehova biro rieny kuomi,Kendo duong’ne biro nenore kuomi.
3 Ogendni nobi e lerni,+Kendo ruodhi+ nobi e lerni miwuoro.+
4 Ting’ wang’i malo mondo ing’i koni gi koni!
Giduto gisechokore; gibiro iri.
Yawuoti biro koa ka mabor,+Nyigi bende biro koting’gi.*+
5 E kindego ibiro bedo mamor ahinya,+Chunyi nopong’ gi ilo,Nikech ibiro kelni mwandu moa e nam;Ibiro kelni mwandu mag ogendni.+
6 Ngamia mang’eny biro pong’o pinyi,Ngamia ma chwo mowuok Midian kod Efa.+
Ji duto moa Sheba nobi iri;Gibiro ting’o dhahabu kod ubani.
Gibiro pako Jehova.+
7 Ibiro chokni rombe duto mag Kedar.+
Ibiro tiyo gi yimbe mag Nebayoth.*+
Ibiro chiwgi e kendona mar misango, mi anayie kodgi,+Kendo abiro medo bidho duong’ ma oda nigo.+
8 Mago jomage ma fuyo ka boche pologo,Kendo ka akuche ma duogo e odgi?
9 Chulni biro keto genogi kuoma;+Meli mag Tarshish e motelo,Gikelo yawuoti ka gia ka mabor,+Gibiro gi fedha kod dhahabu maggi,Gibiro e nying Jehova Nyasachi, kendo e nying Ng’at Maler mar Israel,Nikech obiro miyi duong’.+
10 Welo biro gero ohinga magi,Kendo ruodhigi biro tiyoni,+Iya ne owang’ kodi, mi ne achwadi,To koro asekechi mi ang’wononi.+
11 Dho rangeyeni biro siko koyaw;+Ok nolorgi odiechieng’ kata otieno,Mondo ji okelni mwandu mag ogendni,Kendo ruodhigi e ma notelnegi.+
12 Oganda moro amora kata pinyruoth ma ok notini biro lal nono,Kendo ibiro keth ogendnigo chuth.+
13 Duong’ mar Lebanon nobi iri,+Yadh junipa, yath tidhar, kod yadh saipras nobi iri,+Mondo gibidh kara maler;Abiro miyo raten tienda duong’.+
14 Yawuot jo ma ne sandi nobi iri mi ginikulre e nyimi;Jogo duto ma nochayi nokulreni,Kendo gibiro luongi ni dala mar Jehova,Ee, Sayun mar Ng’at Maler mar Israel.+
15 Abiro miyo ibed dala man gi duong’ mosiko,Kendo ma kelo ne ji mor e tienge duto,+Kar bedo dala mojwang’, mocha, kendo ma ok lim.+
16 Ibiro madho chag ogendni,+Ibiro dhodho thunde ruodhi;+Kendo ining’e ni an e Jehova Jaresni,Nyasach Jakobo, Jal ma nigi teko e Jawarni.+
17 Kar mula anakel dhahabu,Kar nyinyo anakel fedhaKar yien anakel mula,Kar kite anakel nyinyo;Bende, anaket kuwe obed joritni,Kendo tim makare obed jotendi.+
18 Timbe mahundu ok nowinj kendo e pinyiKata tulo kod kethruok e tong’ magi.+
Ibiro luongo ohinga magi ni Warruok,+ to dho rangeyeni iniluong ni Pak.
19 Wang’ chieng’ ok nochak orienyni godiechieng’,Kendo dwe ok nochak orienyni gotieno,Nimar Jehova e ma nobedni ler mosiko,+Kendo Nyasachi nobed duong’ni maler.+
20 Wang’ chieng’i ok nopodhi,Kendo dweyi ok notho,Nikech Jehova e ma nobedni ler mosiko,+Kendo mano noyud ka ndaloni mag ywagruok oserumo.+
21 Jogi duto nobed jo makare;Ginidag e piny nyaka chieng’.
Gin e bad yath ma ne apidho,Ee, ne apidhogi gi lweta awuon+ mondo ayudgo duong’.+
22 Ng’at matin nobed gana,Kendo ng’at ma ok duong’ nobed oganda ma nigi teko.
An Jehova, abiro miyo gino otimre piyo ka kindene ochopo.”
Weche Moler Piny
^ Kata, “A in dhako.”
^ Kata, “kosirgi e nungo.”
^ Kata, “Yimbe mag Nebayoth biro tiyoni.”
