Jeremia 51:1-64
51 Ma e gima Jehova owacho:
“Neuru! Akelo yamo ma kutho matekMondo oketh Babulon+ kod jo modak Leb-kamai.*
2 Abiro oro jokeyo Babulon,Gibiro kaye mi giweye kodong’ nono;Gibiro monje koni gi koni chieng’ ma masira nomake.+
3 Kik iwe jal ma bayo asere oywa atung’.
Kik iwe ng’ato ang’ata ochung’ korwako lawe mar akor.
Kik ikech yawuote.+
Keth jolwenje duto.
4 Gibiro podho koneggi e piny Jo-Kaldea,Ibiro chwogi e nderni mage.+
5 Jehova Nyasach oganda lweny ok oweyo Israel gi Juda odong’ ka chi liel.+
Kata kamano, pinygi* osepong’ gi richo e nyim Ng’at Maler mar Israel.
6 Ringuru ua e Babulon;Resuru ngimau.+
Kik utho nikech richone.
Nimar en kinde ma Jehova chuloe kuor.
Ochule nikech gik mosetimo duto.+
7 Babulon osebedo ka okombe mar dhahabu e lwet Jehova;Osemiyo piny duto omer.
Ogendni duto osemadho divai mare;+Mano e momiyo neko osemakogi.+
8 Babulon oselwar motur apoya.+
Ywageuru!+
Manyneuru balsam mondo okuwene rem; samoro onyalo chango.”
9 “Ne watemo thiedho Babulon, to ne ok onyal chango.
Waweyeuru, ng’ato ka ng’ato odog thurgi,+Nikech kum mare osechopo nyaka e polo;Obor mana ka boche polo.+
10 Jehova osenyiso ni wan jo makare.+
Biuru wahul e Sayun gik ma Jehova Nyasachwa osetimo.”+
11 “Piaguru aserni;+ kawuru okumbni molworore.*
Jehova osetugo chuny ruodhi mag Media,+Nikech odwaro ketho Babulon.
Nimar Jehova chulo kuor, ochulo kuor ne hekalune.
12 Chunguru bendera+ e ohinga mag Babulon.
Keturu jorit, meduru jorit.
Keturu jo ma buto.
Nimar Jehova osechano kaka obiro monjogi,Kendo obiro chopo gima nosingo ni odhi timo ne jo modak Babulon.”+
13 “Yaye in dhako modak e wi pige mang’eny,+Kendo ma nigi mwandu mathoth,+Gikoni osechopo, giko mar ohelni magi.+
14 Jehova Nyasach oganda lweny osekuong’ore owuon,‘Anapong’i gi ji mang’eny kaka det-bonyo,Ginikog gimor bang’ loyi.’+
15 En e ma nochueyo piny gi tekone,Ne oketo piny gi riekone,+Ne oyaro polo gi lony mare.+
16 Ka dwonde omor,Pige manie polo tugore,Omiyo boche polo wuok koa e tung’ piny konchiel nyaka komachielo.
Ooro mil polo ka koth chue,*Bende, ogolo yamo e ute mokanogie.+
17 Ji duto timo timbe mofuwo kendo ok ginyis rieko.
Ibiro kuod wi jotheth duto nikech sanamu maggi;+Nimar sanamu mothedhgo gin miriambo,Kendo gionge muya e igi.+
18 Gin gik manono,+ moromo chayo.
Ka odiechieng bura ochopo, gibiro lal nono.
19 Pok mar Jakobo to ok chal gi gigo,Nimar en e Ng’at ma nochueyo gik moko duto,Kata mana luth mar mwandune.+
Jehova Nyasach oganda lweny e nyinge.”+
20 “In e luth ma akedogo e lweny, gira mar lweny,Anati kodi e ketho ogendni.
Anati kodi e ketho pinjeruodhi.
21 Anati kodi e ketho faras gi ng’at moidhe.
Anati kodi e ketho gach lweny kod ng’at ma riembe.
22 Anati kodi e nego dichwo gi dhako.
Anati kodi e nego jaduong’ gi wuoyi.
Anati kodi e nego wuoyi gi nyako.
23 Anati kodi e nego jakwath gi kuethne.
Anati kodi e nego japur gi jambe.
Anati kodi e nego gavana kod jotelo makonyo.
24 Ubiro neno ka achulo kuor ne Babulon kod ji duto modak Kaldea,Nikech gik maricho duto ma gisetimo ne Sayun,”+ Jehova owacho.
25 “Yaye in got ma kelo kethruok, abiro kedo kodi,”+ Jehova owacho,“In jal ma ketho piny mangima.+
Abiro rieyo bada mi adhiri e wi lwanda mondo ing’ielri nyaka pinyKendo anami ibed got mowang’.”
26 “Kiteni ok nokaw mondo obed kidi ma riwo kor ot kata miketogo mise mar ot,Nikech ibiro dong’ gunda nyaka chieng’,”+ Jehova owacho.
27 “Chunguru bendera e piny.+
Gouru tung’ mondo ogendni owinji.
Waluru ogendni ma dhi kedo kode.
Thuweuru gi pinjeruodhi man Ararat,+ Mini, gi Ashkenaz.+
Luongneuru jatend lweny mondo oked kode.
Monjeuru gi farese mang’eny ka det-bonyo.
28 Waluru ogendni ma dhi kedo kode,Ruodhi mag Media,+ gavana maggi kod jotelo makonyo,Kaachiel gi pinje duto ma gilochoe.
29 Piny biro tetni kendo yiengni,Nikech wach ma Jehova oseng’ado ne Babulon biro timoreEnolok piny Babulon odong’ ka lich, mi onge ng’at ma nodag e iye.+
30 Jo roteke mag Babulon oseringo lweny.
Gibet kuondegi mochiel motegno.
Tekogi oserumo.+
Gichalo gi mon.+
Osewang’ utene.
Osetur rageng’ mage.+
31 Jang’wech ringo mondo orom ne jang’wech wadgi,Kendo jaote bende mondo orom ne jaote wadgi,Mondo giter wach ne ruodh Babulon ni osemonj dalane koni gi koni,+
32 Wasigu osedino kuonde ming’adogo aora,+Osewang’ yiedhi molos gi togo,Kendo luoro osemako jolweny.”
33 Ma e kaka Jehova Nyasach oganda lweny, Nyasach Israel owacho:
“Nyar Babulon chalo gi kar dino cham.
Kinde ochopo monego onyone piny matek.
Odong’ mana kinde matin to ikayo Babulon.”
34 “Nebukadnezar* ruodh Babulon osemuonya;+Oserundo pacha.
Osebola mana ka agulu ma iye ni nono.
Osemuonya mana ka thuol.+
Osepong’o iye gi giga mabeyo.
Osewita oko.*
35 Jal modak Sayun wacho ni, ‘Mad timbe gero duto ma ne otimna, kendo ma ne otimne ringrena obi kuom Babulon!’+
To Jerusalem wacho ni, ‘Mad remba ma nochuer obi kuom jo modak Kaldea!’”
36 Kuom mano, ma e gima Jehova owacho:
“Abiro yalo buchi,+Kendo anachulni kuor.+
Anaduon nambe, kendo anami sokone otwo.+
37 Babulon nodong’ gunda,+Kar dak mar bwe,+Ka malich ma ng’ato ang’ata moneno biro liyo aliya,Onge ng’at ma nodag e iye.+
38 Giduto gibiro ruto kaka sibuoche.
Gibiro ng’ur ka sibuor matindo.”
39 “Sa ma giowore, abiro losonegi nyasi, kendo anami gimer,Mondo gibed mamor;+Kae to nindo notergi chuth,Ok ginichiew ngang’,”+ Jehova owacho.
40 “Anatergi kar yeng’o mana kaka nyirombe,Mana ka yimbe gi diek.”
41 “Yaye, mano kaka osemak Sheshak,*+Mano kaka osemak Pak mar piny duto!+
Mano kaka Babulon osedong’ ka piny malich ma bwogo ogendni!
42 Nam oseumo Babulon.
Apaka mag nam mang’eny oseime.
43 Miechene madongo oselokore gik malich, thim ma pi ongee.
Onge ng’at ma biro dak e pinyno kata wuotho kuno.+
44 Abiro ng’ado ne Bel+ bura e Babulon,Abiro miyo ong’og gik ma osemuonyo duto.+
Onge oganda ma nodhi ire kendo,Kendo ohinga mar Babulon biro podho.+
45 Auru kuome, un joga!+
Ringuru ures ngimau+ kuom mirima mager mar Jehova!+
46 Kuwinjo wach moro marach kaka wach lweny kata ni ruoth moro kedo gi wadgi,Kik uparru kata bedo maluor.
Higa ok bi kalo ka pok oland wachno,Kendo higa ma luwo ibiro land wach machielo.
47 Kuom mano, neuru! ndalo biroMa nakum nyiseche mopa mag Babulon.
Ibiro kuod wi pinye duto,Kendo joge monegi nopodh e pinye.+
48 Polo gi piny kod gik moko duto manie igiBiro kok gimor ka Babulon opodho.+
Jo ma biro monje biro a yo nyandwat,”+ Jehova owacho.
49 “Babulon ok nonego Jo-Israel kende+Nonego bende jo ma ne a e piny mangima.
50 Un jo motony e dho ligangla, ringuru, kik uchung’!+
Paruru Jehova ka un ka mabor,Kendo sikuru kuparo Jerusalem e chunyu.”+
51 “Ji osejarowa, omiyo, wiwa okuot.
Wich-kuot opong’o wengewa,Jo pinje mamoko osemonjo kuonde maler e od Jehova.”+
52 “Kuom mano, neuru! ndalo biro,” Jehova owacho,“Ma anakumie nyisechene mopa,Kendo jo mohinyore biro chur e pinye duto.”+
53 “Kata ka po ni Babulon oidho nyaka e polo,+Kata ka ogero ohinga mabocho kendo motegno,To pod jo ma biro kethe noa kuoma,”+ Jehova owacho.
54 “Winjuru! Ywak moro winjore Babulon,+Dwond kethruok maduong’ moyudo piny Jo-Kaldea,+
55 Nimar Jehova ketho Babulon,Obiro miyo dwonde ma rahuma oling’ thi,Gigoyo koko mana ka nam ma wuo.
Ji biro winjo dwondgi.
56 Nimar jaketh nomonj Babulon;+
Ibiro mak joge ma roteke,+Ibiro tur atung’ maggi,Nimar Jehova en Nyasaye ma chulo kuor.+
Adier, obiro chulo kuor.+
57 Anami jotende kod joriekone omer,+Anatim kamano bende ne gavana mage, jotendgi makonyo, kod joge ma roteke,Kendo nindo notergi chuth,Ok ginichiew kendo,”+ Ruoth ma nyinge en Jehova Nyasach oganda lweny owacho.
58 Jehova Nyasach oganda lweny owacho kama:
“Ibiro muk ohinga mar Babulon chuth, kata obedo ni olach,+Kendo ibiro wang’ dho rangeyene, kata obedo ni giboyo.
Ji biro tiyo matek kayiem nono;Ogendni biro tiyo kayiem nono mana ne mach.”+
59 Ma e wach ma janabi Jeremia ne onyiso Seraya wuod Neria+ wuod Maseia, ka ne odhi Babulon gi Zedekia ruodh Juda e higa mar ang’wen mar loch Zedekia. Seraya e ma ne rito mwandu mag ruoth.
60 Jeremia ne ondiko e buk achiel masiche duto ma ne dhi biro kuom Babulon, wechego duto ne ondik e wi Babulon.
61 E wi mano, Jeremia ne owacho ne Seraya niya: “Ka ichopo Babulon, isom weche duto manie bugni gi dwol maduong’.
62 Kae to iniwach ni, ‘A Jehova, isewacho ni ibiro keth dalani mi obiro dong’ gunda, kendo dhano kod le ok nochak odag e iye nyaka chieng’.’+
63 Kendo ka isetieko somo bugni, initueye gi kidi kae to iwite e chuny Yufrate.
64 Bang’ mano, iniwach ni, ‘Kamano e kaka Babulon biro nimo, mi ok nochak ochung’ kendo.+ Nimar abiro kelone masira; kendo gibiro ol ahinya.’”+
Ma e giko weche Jeremia.
Weche Moler Piny
^ Nenore ni ma en nying mopondo mar Kaldea.
^ Tiende ni, piny Jo-Kaldea.
^ Kata nyalo bedo, “pong’uru ofukeu mag aserni.”
^ Kata nyalo bedo, “En emoloso dhoot ne koth.”
^ Kata, “Oselawa mana ka ng’at ma lawo nanga bang’ lwoke.”
^ Iluonge bende ni Nebukadereza.
^ Nenore ni ma en nying mopondo mar Babel (Babulon).
