Ne Jo-Hibrania 8:1-13
8 Koro wach maduong’ ma watemo wacho e ma: Wan gi jadolo maduong’ ma kamano,+ kendo osebet piny e bat korachwich mar kom-loch mar Nyasaye e polo,+
2 en jatich* mar ka maler+ kendo mar hema madier ma Jehova* e ma ne ogero, to ok dhano.
3 Nimar jodolo madongo duto iketo e tijno mondo gichiw mich kod misengni bende; omiyo ne dwarore ni jali bende obedie gi gima nonyalo chiwo.+
4 Ka dine bed ni ne en e piny, ok dine obedo jadolo,+ nimar nitiere jo mosebedo ka chiwo mich mag misengni kaluwore gi Chik.
5 Jogo tiyo tij Nyasaye e hekalu ma sie ma en kaka ranyisi kendo kaka tipo+ mar gik manie polo;+ mana kaka ka ne Musa chiegni gero hema, Nyasaye ne omiye chik: Nimar owacho niya: “Ne ni iloso gik moko duto mana kaka ne asenyisi e got.”+
6 To koro Yesu oseyudo migawo mar tich maberie moloyo,* nimar en bende e ma en jagach+ mar singruok maberie moloyo,+ kendo ma luwore gi chik motenore kuom singo mabeyo moloyo.+
7 Ka dine bed ni singruok mokwongono ne ok orem, dine ok ochuno ni mar ariyo obedie.+
8 Nimar Nyasaye nyiso ni ji gin joketho sa ma owacho kamoro ei Ndiko kama: “‘Neuru! Ndalo biro,’ Jehova* owacho, ‘ma abiro timo singruok manyien gi dhood Israel, kod dhood Juda.
9 Ok obi chalo gi singruok ma ne atimo gi kweregi chieng’ ma ne amako lwetgi mondo atagi ka agologi e piny Misri,+ nimar ne ok gidhi nyime makore gi singruokna, omiyo ne aweyo ritogi,’ Jehova* owacho.
10 “‘To bang’ ndalogo, ma e singruok ma abiro timo gi dhood Israel,’ Jehova* owacho. ‘Anaket chikena e pachgi, kendo anandikgi e chunygi.+ Anabed Nyasachgi, to ginibed joga.+
11 “‘Onge ng’ato kuomgi ma biro puonjo ja pinygi kata owadgi kendo ni, ‘Dwarore ni ing’e Jehova!’* nimar giduto gibiro ng’eya, chakre ng’at matinie mogik nyaka ng’at maduong’ mogik.
12 Nimar abiro kechogi kuom weyonegi timbegi ma ok kare, bende ok anapar richogi ngang’.’”+
13 Nikech owacho ni “singruok manyien,” mano nyiso ni ma choncha koro obedo ma onge tich.+ Omiyo, gima onge tich kendo ma medo bedo moti chiegni lal nono.+
Weche Moler Piny
^ Kata, “jatich ma tiyo ne oganda.”
^ Som Apendiks A5.
^ Kata, “mar tiyo ne oganda.”
^ Som Apendiks A5.
^ Som Apendiks A5.
^ Som Apendiks A5.
^ Som Apendiks A5.
