Ne Jo-Rumi 4:1-25
4 Ka en kamano, Ibrahim ma en kwarwa e ringruok noyudo ang’o?
2 Kuom ranyisi, ka dine bed ni ne okwan Ibrahim kaka ng’at makare nikech gik ma notimo, mano dine omiyo opakore, to ok e wang’ Nyasaye.
3 Nimar ndiko wacho ang’o? “Ibrahim noketo yie kuom Jehova,* kendo nokwane kaka ng’at makare.”+
4 Kuom ng’at mosetiyo, chudo mimiye ok en nikech inyise ng’wono, to en gima owinjore ochule.
5 Mopogore gi mano, ng’at ma ok gen kuom tich motiyo, to oketo yie kuom Jal ma miyo ikwano jo maricho kaka jo makare, yie mar ng’atno miyo ikwane kaka ng’at makare.+
6 Mana kaka Daudi bende wacho kuom mor ma ng’ato yudo ka Nyasaye okwane kaka ng’at makare, to ok nikech timbe ng’atno owuon:
7 “Jo mamor gin jo mowenegi timbegi ma ok kare kendo ma owenegi richogi;
8 ng’at mamor en jalo ma Jehova* ok bi kwano kaka jaricho.”+
9 Be koro mano nyiso ni jo ma oseter nyangu kende e ma yudo mor ma kamano, koso jo ma pok oter nyangu bende?+ Nimar wasewacho niya: “Yie mar Ibrahim nomiyo okwane kaka ng’at makare.”+
10 Kare, en karang’o ma ne okwanee ng’at makare? Ka ne osetere nyangu koso ka podi? Ne en ka ne pok otere nyangu.
11 To ka ne otere nyangu kaka Nyasaye nochiko, mano nobedo ranyisi+ ma nyiso ni en ng’at makare nikech yie ma ne en-go ka pok ne otere nyangu, mondo eka obed wuon ji duto ma nigi yie+ to ok otergi nyangu, eka mondo okwan-gi kaka jo makare;
12 bende, mondo obed wuon jo ma oter nyangu, to ok mana mar jo ma itero nyangu kende, to bende wuon jo ma kuom adier wuotho ka giluwo yie ma Ibrahim wuonwa+ ne nigo ka pok ne otere nyangu.
13 Nimar chik ok e ma ne omiyo osing ne Ibrahim kata kothe ni ne odhi yudo piny kaka pokne,+ to en nikech ne en ng’at makare kokalo kuom yie.+
14 Nimar ka jo ma makore gi chik e ma yudo pok, yie bedo kayiem nono kendo singo ma ne ochiw bedo ma onge tich.
15 Kuom adier, Chik kelo mirimb Nyasaye,+ to kama onge chik, kanyo bende onge ketho moro amora.+
16 Mano e momiyo kokalo kuom yie, singono chopo ne koth Ibrahim+ duto nikech ng’wono mogundho+ mar Nyasaye, ok mana ne jo ma makore gi Chik kende, to bende ne jo ma makore gi yie ma Ibrahim wuonwa waduto nonyiso.+
17 (Mani en mana kaka ondik niya: “Aseketi ibed wuon ogendni mang’eny.”)+ Mano ne otimore e wang’ Nyasaye ma Ibrahim noketo yie kuome, kendo en e ma omiyo jo motho bedo mangima, kendo owuoyo kuom gik ma onge ka gima gigo nitiere.*
18 Kata ka ne onge gima ne nyalo miyo obed gi geno, pod geno nomiyo obedo gi yie ni ne odhi bedo wuon ogendni mang’eny kaluwore gi wach ma ne osewach niya: “Kamano e kaka kothi nobedi.”+
19 Kendo kata obedo ni yiene ne ok yom yom, nokwano dende owuon kaka mar ng’at mosetho (nimar ne en jahigni 100 kama),+ kendo nong’eyo bende ni Sara ne en migumba.+
20 To nikech singo mar Nyasaye, ok noketo kiawa moro amora; to yie ma ne en-go nomiyo obedo motegno komiyo Nyasaye duong’,
21 kendo ne en gadier chuth ni gima Nyasaye nosesingo, Nyasaye ne nigi nyalo bende mar chopo gino.+
22 Kuom mano, “ne okwane kaka ng’at makare.”+
23 Kata kamano, ok en kende e ma ne ondik kuome kiwacho ni, “ne okwane kaka ng’at makare,”+
24 to bende nikech wan ma ne idhi kwanwa kaka jo makare, nimar wayie kuom Jal ma nochiero Yesu Ruodhwa a kuom jo motho.+
25 Ne otho nikech kethowa+ kendo ne ochiere mondo okwanwa kaka jo makare.+
Weche Moler Piny
^ Som Apendiks A5.
^ Som Apendiks A5.
^ Kata nyalo bedo, “kendo omiyo gik ma onge betie.”
