Joel 3:1-21
3 “To neuru! e ndalogo kendo e kindegoAbiro duoko Jo-Juda kod Jo-Jerusalem ma ne oter e tuech.+
2 Bende, abiro choko ogendni duto,Mi atergi e Hoho mar Jehoshafat.*
Kanyo e ma abiro yaloe buchgi,+Kuom gik ma gisetimo ne joga Israel,Nikech ne gikeyo joga e pinje mamoko,Mi gipogo Israel pinya e kindgi.+
3 Ne gigoyo ombulu mondo gipoggo joga;+Ne giuso yawuoyi mondo giyud pes chodoKendo ne giuso nyiri mondo giyud pes divai.
4 Un Jo-Turo, gi Jo-Sidon, kod Jo-Filistia duto,Ang’o ma utimonani?
Udwaro chulo kuor koso?
Ka en kamano, to kuor ma udwaro chulonoAnaduoknugo mapiyo mana ka diemo wang’.+
5 Nimar usekawo fedhana gi dhahabuna,+Kendo usetero giga ma nengogi tek e hekalu magu.
6 Bende, usekawo Jo-Juda gi Jo-Jerusalem mi uusogi ne Jo-Grik,+Mondo utergi mabor gi pinygi.
7 Koro, adhi gologi kuonde ma ne uusogie,+Kendo abiro timonu mana kaka ne utimonegi.
8 Abiro uso yawuotu gi nyiu ne Jo-Juda,+Kendo gibiro usogi ne Jo-Sheba modak ku mabor ahinya.
Nimar Jehova e ma osewacho kamano.
9 Landuru wachni ne ogendni:+
‘Ikreuru ne lweny! Chokuru joroteke.
Ee, luonguru jolweny duto mondo obi!+
10 Thedhuru kweu obed ligengni, kendo thedhuru pelniu obed tonge.
Kata mana ng’at ma yom yom onego owach ni: “Aratego!”
11 Un ogendni mokiewo, chokreuru kanyachiel mondo ubi.’”+
A Jehova Nyasaye, kel jolweny magi kuno!
12 “Ogendni mondo oikre kendo gibi e Hoho mar Jehoshafat;Nimar kanyo e ma anabedie ka ang’ado bura ne ogendni moa koni gi koni.+
13 Goluru pand keyo nikech cham osechiek.
Biuru unyon mzabibu nikech kar bicho opong’.+
Degegi opong’ thich, nikech richogi ng’eny.
14 Ogendni mang’eny oselor e hoho mar ng’ado bura,Nimar odiechieng Jehova mar yalogi e hohono chiegni.+
15 Wang’ chieng’ gi dwe nolokre mudho,Kendo sulwe bende ok bi rieny.
16 Dwond Jehova biro mor e Sayun,Ee, dwonde nomor Jerusalem.
Polo gi piny biro yiengni,To Jehova nores joge Israel,+Enobednegi ohinga ma ginyalo pondoe.
17 Bang’e, unung’e ni an e Jehova Nyasachu, kendo adak Sayun ma en goda maler.+
Jerusalem nobed ka maler,+Kendo ogendni mamoko ok nonyone kendo.+
18 E ndalono, gode madongo nopong’ gi divai mamit,+Kendo chak biro mol koa e gode matindo.
Bende, pi mang’eny biro mol e aoche duto mag Juda.
Pi biro bubni ka wuok e od Jehova,+Kendo pigo nomi Hoho mar Shitim* obed mang’ich.
19 To piny Misri biro lokore thim,+Kendo piny Edom nolokre thim mi nodong’ gunda,+Nikech jopinjego nomonjo piny Juda,+Mi gichuero remb jo ma ne onge ketho.+
20 To onge chieng’ ma piny Juda nodong’ie gunda,Kendo tienge mag ji ok norum Jerusalem.+
21 Abiro golonegi buch remo ma ne gin-go chon,+Kendo Jehova nodag e Sayun.”+
