Jona 2:1-10
2 Eka Jona ne olamo Jehova Nyasache ka en e i rech,+
2 mowacho niya:
“Ka ne achandora, ne aluongo Jehova, mi nowinja.+
Ka ne an e Liel,* naywakni mondo ikonya.+
Ne iwinjo dwonda.
3 Ka ne iwita e nam matut, e chuny nam,Pige ne olwora.+
Apaka gi ahiti magi duto ne oyweya.+
4 Mi ne awacho ni, ‘Osewita oko, osegola e wang’i!
Ere kaka abiro neno hekalu mari maler?’
5 Pige ne olwora kendo ne achiegni tho;+Pige matut ne oima.
Buya ne ogajore e wiya.
6 Ne animo nyaka e tiend gode.
Dho rangeye mag piny nodinona nyaka chieng’.
To ne igola e bur, A Jehova Nyasacha.+
7 Ka ne chunya a, Jehova e ma ne aparo.+
Eka kwayona nochopo iri, e hekalu mari maler.+
8 Jogo mochiwore ne sanambe manono osejwang’o ka ma giyudoe hera mosiko.*
9 An to abiro chiwoni misango kendo abiro goyoni erokamano.
Abiro timo gima asesingo.+
Warruok a kuom Jehova.”+
10 Bang’e, Jehova ne ochiko rechno mi rechno ne ong’ogo Jona e dho wath.
Weche Moler Piny
^ Hibrania, “Sheol.” Som Tiend Weche.
^ Kata nyalo bedo, “oseweyo gik ma ne gigeno kuomgi.”
