Joshua 15:1-63
15 Piny ma ne omi+ Jo-Juda mondo gipogre ne chopo e kiewo mar Edom,+ thim mar Zin, kendo nyaka milambo mar Negeb.
2 Tong’ margi ma yo milambo ne dhi nyaka giko Nam Chumbi,+ ma tiende ni ka ma nam osokorego iye gi yo milambo.
3 Tong’no ne dhi nyaka ka ma iidhogo Akrabim+ mi okal Zin, kendo odhi malo kowuok milambo modhi Kadesh-barnea+ mochop Hezron nyaka Adar, kae to ne ogomo nyaka Karka.
4 Ne odhi nyaka Azmon+ mochop e Aora man Misri+ mi odhi ogik e Nam Maduong’.* Mano e ma ne en tong’ mar piny Jo-Juda gi yo milambo.
5 Tong’ ma yo wuok chieng’ ne en Nam Chumbi nyaka giko Jordan. To gi yo nyandwat, tong’ ne en ka ma nam sokorego iye e giko Aora Jordan.+
6 Tong’no ne dhi nyaka Beth-hogla+ mi okal Beth-araba+ gi yo nyandwat, mochop e lwanda mar Bohan+ ma wuod Reuben.
7 Koa kanyo, tong’no ne dhi nyaka Debir e Paw Akor,+ kae to nogomo kodhi yo nyandwat mochop Gilgal+ manie nyim ka ma iidhogo Adumim, ma tiende ni, yo milambo mar hoho, mi okal pige mag En-shemesh+ kendo ogik En-rogel.+
8 Tong’no ne dhi nyaka e Hoho mar Wuod Hinom+ nyaka orido rido mag Jo-Jebus+ man yo milambo, ma tiende ni Jerusalem.+ Kae to tong’no ne dhi nyaka e wi got mantie yo podho chieng’ mar Hoho mar Hinom manie giko mar Paw Refaim gi yo nyandwat.
9 Ne odhi nyaka e wi got mochop e yewni mag Neftoa+ modhi nyaka e mier mag Got Efron nyaka Baala, ma tiende ni Kiriath-jearim.+
10 Tong’no ne lworo kowuok Baala yo podho chieng’ kodhi e Got Seir mochomo nyandwat e Got Jearim, ma tiende ni Kesalon, kae to noridore kodhi nyaka Beth-shemesh+ mochop Timna.+
11 Tong’no ne dhi nyaka orido rido mag Ekron+ gi yo nyandwat, mi ochop Shikeron, modhi nyaka e Got Baala mi ochop Jabneel, kae to ogik e nam.
12 Tong’ ma yo podho chieng’ ne en Nam Maduong’*+ gi wadhe. Ma e tong’ ma nolworo piny duto mar Jo-Juda.
13 Joshua nomiyo Kaleb+ wuod Jefune lowo e kind Jo-Juda mana kaka Jehova nochike. Nomiyo Kaleb Kiriath-arba (Arba ne en wuon Anak), ma tiende ni, Hebron.+
14 Omiyo, Kaleb noriembo yawuot Anak+ adek miluongo ni Sheshai, Ahiman, gi Talmai,+ ma gin joka Anak.
15 Kae to ne odhi monjo jo ma ne odak Debir.+ (Chon ne iluongo Debir ni Kiriath-sefer.)
16 Kendo Kaleb nowacho niya: “Ng’at modhi kedo gi Kiriath-sefer mokawo pinyno, abiro miye Aksa nyara mondo obed chiege.”
17 Othniel+ wuod Kenaz+ ma owadgi Kaleb ne okedo gi Kiriath-sefer mokawo pinyno, mi Kaleb nomiye Aksa+ nyare mondo obed chiege.
18 To ka ne gin e yo ka gidhi dala, Aksa nojiwo Othniel mondo okwa Kaleb wuon mare puodho. Ka ne olor e pundane, Kaleb nopenje niya: “Idwaro ang’o?”+
19 Ne odwoke niya: “Akwayi ni imiya mich moro mondo onyis ni iguedha. Isemiya lowo yo milambo, to koro miya Guloth-maim bende.” Omiyo, Kaleb nomiye Guloth ma Malo gi Guloth ma Mwalo.
20 Magi e lowo ma ne opog ne Jo-Juda kaluwore gi anyuolagi.
21 Mier ma ne ni yo milambo e tung’ piny Jo-Juda ka ma ne gigoyoe tong’ gi Jo-Edom,+ ne gin: Kabzeel, Eder, Jagur,
22 Kina, Dimona, Adada,
23 Kedesh, Hazor, Ithnan,
24 Zif, Telem, Bealoth,
25 Hazor-hadata, gi Kerioth-hezron, ma tiende ni, Hazor,
26 Amam, Shema, Molada,+
27 Hazar-gada, Heshmon, Beth-pelet,+
28 Hazar-shual, Beer-sheba,+ Biziothia,
29 Baala, Iim, Ezem,
30 Eltolad, Kesil, Horma,+
31 Ziklag,+ Madmana, Sansana,
32 Lebaoth, Shilhim, Ain, gi Rimon.+ Giduto ne gin mier 29 kaachiel gi gwengegi.
33 Mier ma ne ni Shefela+ ne gin, Eshtaol, Zora,+ Ashna,
34 Zanoa, En-ganim, Tapua, Enam,
35 Jarmuth, Adulam,+ Soko, Azeka,+
36 Shaaraim,+ Adithaim, gi Gedera, gi Gederothaim—mier 14 gi gwenge molworogi.
37 Zenan, Hadasha, Migdal-gad,
38 Dilan, Mizpa, Joktheel,
39 Lakish,+ Bozkath, Eglon,
40 Kabon, Lamam, Kithlish,
41 Gederoth, Beth-dagon, Naama, gi Makeda+—mier 16 gi gwenge molworogi.
42 Libna,+ Ether, Ashan,+
43 Ifta, Ashna, Nezib,
44 Keila, Akzib, gi Maresha—mier ochiko gi gwenge molworogi.
45 Ekron gi mier matindo molwore kaachiel gi gwenge man machiegni kode;
46 chakre Ekron gi yo podho chieng’, gi mier duto molworo Ashdod kod gwengegi.
47 Ashdod+ gi mier matindo molwore kod gwengegi; Gaza+ gi mier matindo molwore kod gwengegi, nyaka mwalo e Aora man Misri, gi Nam Maduong’* gi alwora duto momanyore gi kanyo.+
48 Mier ma ne nie piny gode ne gin, Shamir, Jatir,+ Soko,
49 Dana, Kiriath-sana, ma tiende ni, Debir,
50 Anab, Eshtemo,+ Anim,
51 Goshen,+ Holon, Gilo+—mier 11 gi gwenge molworogi.
52 Arabia, Duma, Eshan,
53 Janim, Beth-tapua, Afeka,
54 Humta, Kiriath-arba, ma tiende ni, Hebron,+ gi Zior—mier ochiko gi gwenge molworogi.
55 Maon,+ Karmel, Zif,+ Juta,
56 Jezreel, Jokdeam, Zanoa,
57 Kain, Gibea, gi Timna+—mier apar gi gwenge molworogi.
58 Halhul, Beth-zur, Gedor,
59 Maarath, Beth-anoth, gi Eltekon—mier auchiel gi gwenge molworogi.
60 Kiriath-baal, ma tiende ni, Kiriath-jearim,+ gi Raba—mier ariyo gi gwenge molworogi.
61 Mier ma ne nie thim ne gin, Beth-araba,+ Midin, Sekaka,
62 Nibshan, Dala Chumbi, gi En-gedi+—mier auchiel gi gwenge molworogi.
63 Kata kamano, riembo Jo-Jebus+ notamo jolweny mag Jo-Juda.+ Omiyo, Jo-Jebus pod odak gi Jo-Juda Jerusalem nyaka kawuononi.
