Joshua 19:1-51
19 Ombulu mar ariyo+ ne olwar ne Jo-Simeon+ kendo lowo ma ne opognegi kaluwore gi dhoutgi ne omakore gi lop Jo-Juda.+
2 Lopgi ne okwako Beer-sheba+ gi Sheba, Molada,+
3 Hazar-shual,+ Bala, Ezem,+
4 Eltolad,+ Bethul, Horma,
5 Ziklag,+ Beth-markaboth, Hazar-susa,
6 Beth-lebaoth,+ gi Sharuhen—mier 13 gi gwenge molworogi;
7 Ain, Rimon, Ether, kod Ashan+—mier ang’wen gi gwenge molworogi;
8 kod gwenge duto ma nolworo miergo. Lopgino ne dhi nyaka Baalath-beer, ma bende iluongo ni Rama ma yo milambo. Mano e pok ma ne omi Jo-Simeon kaluwore gi dhoutgi.
9 Pok ma ne omi Jo-Simeon ne ogol e lop Jo-Juda nikech Jo-Juda ne nigi lowo maduong’ ahinya. Omiyo, lop Jo-Simeon ne nie lop Jo-Juda.+
10 Ombulu mar adek+ ne olwar ne Jo-Zebulun+ kaluwore gi dhoutgi, kendo tong’ mar lopgi ne chopo Sarid.
11 Tong’ margi ne oidho nyaka Marala yo podho chieng’ mochopo nyaka Dabesheth kendo nodhi nyaka e aora momanyore gi Jokneam.
12 Gi yo wuok chieng’ mar Sarid, tong’no nochomo Kisloth-tabor. Kowuok kanyo, nodhi nyaka Daberath+ mochopo Jafia.
13 Kae to nochomo yo wuok chieng’ nyaka Gath-hefer,+ modhi nyaka Eth-kazin kod Rimon, kendo nodhi nyaka Nea.
14 Tong’no ne olworo gi yo nyandwat modhi nyaka Hanathon, kendo nogik e Hoho mar Iftael,
15 gi mier mag Katath, gi Nahalal, gi Shimron,+ gi Idala, kod Bethlehem+—mier 12 gi gwenge molworogi.
16 Mano e pok ma ne omi yawuot Zebulun kaluwore gi dhoutgi.+ Mago e mier kod gwenge ma ne opognegi.
17 Ombulu mar ang’wen+ ne olwar ne Jo-Isakar+ kaluwore gi dhoutgi.
18 Tong’ margi ne dhi nyaka Jezreel,+ Kesuloth, Shunem,+
19 Hafaraim, Shion, Anaharath,
20 Rabith, Kishion, Ebez,
21 Remeth, En-ganim,+ En-hada, gi Beth-pazez.
22 Tong’no ne odhi nyaka Tabor,+ gi Shahazuma, gi Beth-shemesh, kendo giko mar tong’no ne gik e Aora Jordan—mier 16 gi gwenge molworogi.
23 Mano e pok ma ne omi Jo-Isakar kaluwore gi dhoutgi.+ Mago e mier kod gwenge ma ne opognegi.
24 Ombulu mar abich+ ne olwar ne Jo-Asher+ kaluwore gi dhoutgi.
25 Kendo tong’ margi ne en Helkath,+ Hali, Beten, Akshaf,
26 Alamelek, Amad, kod Mishal. Gi yo podho chieng’ nodhi nyaka Karmel+ kendo nyaka Shihor-libnath.
27 Tong’no nogomo mochomo yo wuok chieng’ nyaka Beth-dagon mochopo Zebulun kod yo nyandwat mar Hoho mar Iftael. Nodhi nyaka Beth-emek gi Neiel, kae to ne ochopo Kabul yo bat koracham,
28 kendo nyaka Ebron, Rehob, Hamon, gi Kana, kae to nodhi nyaka Sidon dala maduong’.+
29 Tong’no ne ogomo mochomo Rama modhi nyaka Turo.+ Kendo ne ogomo mochomo Hosa mi ogik e nam manie piny Akzib,
30 Uma, Afek,+ kod Rehob+—mier 22 gi gwenge molworogi.
31 Mano e pok ma ne omi Jo-Asher kaluwore gi dhoutgi.+ Mago e mier kod gwenge ma ne opognegi.
32 Ombulu mar auchiel+ ne olwar ne Jo-Naftali kaluwore gi dhoutgi.
33 Tong’ margi ne chakore Helef, kae to ne owuok e yath maduong’ man Zaananim+ nyaka Adami-nekeb kod Jabneel, kendo nodhi nyaka Lakum, mogik Aora Jordan.
34 Tong’no nogomo mochomo yo podho chieng’ nyaka Aznoth-tabor, kendo nowuok kanyo modhi nyaka Hukkok mochopo Zebulun gi yo milambo, kendo nyaka Asher gi yo podho chieng’, kendo nyaka Juda e Aora Jordan gi yo wuok chieng’.
35 Mier ma ne ochiel motegno ne gin: Zidim, Zer, Hamath,+ Rakath, Kinereth,
36 Adama, Rama, Hazor,+
37 Kedesh,+ Edrei, En-hazor,
38 Yiron, Migdal-el, Horem, Beth-anath, kod Beth-shemesh+—mier 19 gi gwenge molworogi.
39 Mano e pok ma ne omi Jo-Naftali kaluwore gi dhoutgi.+ Mago e mier kod gwenge ma ne opognegi.
40 Ombulu mar abiriyo+ ne olwar ne Jo-Dan+ kaluwore gi dhoutgi.
41 Tong’ mar lopgi ne en Zora,+ Eshtaol, Ir-shemesh,
42 Shaalabin,+ Aijalon,+ Ithla,
43 Elon, Timna,+ Ekron,+
44 Elteke, Gibethon,+ Baalath,
45 Jehud, Bene-berak, Gath-rimon,+
46 Me-jarkon, gi Rakon, kod tong’ mokalo machiegni gi Jopa.+
47 Kata kamano, lop Jo-Dan ne tin ma ok nyal romogi giduto.+ Omiyo, ne gidhi kedo gi piny Leshem,+ kendo ne ginego Jo-Leshem gi ligangla. Ne gikawo pinyno ma gidakie, kendo ne giloko nying pinyno ni Dan, ma en nying kwargi.+
48 Mano e pok ma ne omi Jo-Dan kaluwore gi dhoutgi. Mago e mier kod gwenge ma ne opognegi.
49 Kamano, ne gitieko pogo lowo ne dhoot ka dhoot. Kae to Jo-Israel ne opogo ne Joshua wuod Nun lopgi.
50 Ne gimiye dala ma noyiero, mana kaka Jehova nosechiko. Ne gimiye Timnath-sera+ man Efraim, piny motimo gode. Ne ogero dalano mi odakie.
51 Mago e pok mag lope ma Joshua wuod Nun, gi Eleazar jadolo, kod jodong dhoudi mag Israel nopogo+ ka gitiyo gi ombulu e nyim Jehova e dho hemb romo,+ ka ne gin Shilo.+ Omiyo, koro ne gitieko pogo lowo.