Joshua 21:1-45
21 Jodong dhood Lawi nodhi ir Joshua wuod Nun, gi Eleazar+ jadolo, gi jodong dhout Israel,
2 ma giwuoyo kodgi ka gin Shilo+ e piny Kanaan. Ne giwachonegi kama: “Jehova nowacho ne Musa ni omiwa mier ma wadakie kaachiel gi kuonde ma wakwayoe jambwa.”+
3 Omiyo, Jo-Israel ne opogo ne Jo-Lawi mier+ kod kuonde kwath mana kaka Jehova nosechikogi ni gitim.+
4 Ombulu mokwongo ne olwar ne Jo-Kohath+ kendo ne opog ne Jo-Lawi ma nyikwa Harun jadolo mier 13 kitiyo gi ombulu. Jo-Juda,+ gi Jo-Simeon,+ gi Jo-Benjamin+ e ma ne ochiwo miergo.
5 To Joka Kohath mamoko ma nodong’ ne opognegi* mier apar ma Jo-Efraim,+ gi Jo-Dan, gi nus mar dhood Manase+ nochiwo.
6 Ne opog ne Jo-Gershon+ mier 13. Jo-Isakar, gi Jo-Asher, gi Jo-Naftali, gi nus Jo-Manase ma ne ni Bashan,+ e ma ne ochiwo miergo.
7 To anyuola mar Jo-Merari+ ne opognegi mier 12 ma Jo-Reuben, gi Jo-Gad, kod Jo-Zebulun+ nochiwo.
8 Kamano Jo-Israel ne otiyo gi ombulu e pogo ne Jo-Lawi miergo kod kuonde kwath molworogi, mana kaka Jehova nosechiko Musa.+
9 Koro magi e mier ma Jo-Juda gi Jo-Simeon nochiwo,+
10 kendo miergo ne opog ne nyikwa Harun ma gin joka Kohath ma wuod Lawi nikech gin e ma ombulu mokwongo ne olwarnegi.
11 Ne gichiwo Kiriath-arba+ (Arba ne en wuon Anak), tiende ni Hebron,+ e piny gode man Juda kaachiel gi kuonde kwath molwore.
12 To puothe mag dalano gi gwenge molwore ne gimiyo Kaleb wuod Jefune.+
13 Ne gimiyo nyikwa Harun jadolo Hebron+ gi kuondene mag kwath mondo obed ka ma jo ma ne oneko ne nyalo dhi tonyie.+ Bende, ne gimiyogi Libna+ gi kuondene mag kwath,
14 Jatir+ gi kuondene mag kwath, Eshtemoa+ gi kuondene mag kwath,
15 Holon+ gi kuondene mag kwath, Debir+ gi kuondene mag kwath,
16 Ain+ gi kuondene mag kwath, Juta+ gi kuondene mag kwath, Beth-shemesh gi kuondene mag kwath. Dhoudi ariyogo e ma ne ochiwo mier ochikogo.
17 Jo-Benjamin ne ochiwo Gibeon+ gi kuondene mag kwath, Geba gi kuondene mag kwath,+
18 Anathoth+ gi kuondene mag kwath, kod Almon gi kuondene mag kwath—mier ang’wen.
19 Mier duto ma ne omi nyikwa Harun ma gin jodolo ne gin mier 13 gi kuondegi mag kwath.+
20 To joka Kohath ma ne odong’ e dhood Lawi ne omi mier moko mag Jo-Efraim kitiyo gi ombulu.
21 Ne omigi mier mag tony ma jo ma ne oneko ne nyalo dhi tonyie.+ Miergo ne gin Shekem+ gi kuondene mag kwath e piny gode mar Efraim, Gezer+ gi kuondene mag kwath,
22 Kibzaim gi kuondene mag kwath, kod Beth-horon+ gi kuondene mag kwath—mier ang’wen.
23 Jo-Dan ne ochiwo Elteke gi kuondene mag kwath, Gibethon gi kuondene mag kwath,
24 Aijalon+ gi kuondene mag kwath, kod Gath-rimon gi kuondene mag kwath—mier ang’wen.
25 Nus mar dhood Manase ne ochiwo Taanak+ gi kuondene mag kwath, kod Gath-rimon gi kuondene mag kwath—mier ariyo.
26 Mier duto kod kuondegi mag kwath ma ne opog ne Jo-Kohath ma ne odong’ ne gin mier apar.
27 Nus mar dhood Manase ne omiyo Jo-Gershon+ ma joka Lawi dala mar Golan+ man Bashan gi kuondene mag kwath mondo obednegi ka ma jo ma ne oneko ne nyalo dhi tonyie. Ne gimiyogi bende Beeshtera gi kuondene mag kwath—mier ariyo.
28 Dhood Isakar+ ne ochiwo Kishion gi kuondene mag kwath, Daberath+ gi kuondene mag kwath,
29 Jarmuth gi kuondene mag kwath, kod En-ganim gi kuondene mag kwath—mier ang’wen.
30 Jo-Asher+ ne ochiwo Mishal gi kuondene mag kwath, Abdon gi kuondene mag kwath,
31 Helkath+ gi kuondene mag kwath, kod Rehob+ gi kuondene mag kwath—mier ang’wen.
32 Jo-Naftali ne ochiwo Kedesh+ man Galili gi kuondene mag kwath mondo obed ka ma jo ma ne oneko ne nyalo dhi tonyie.+ Ne gimiyogi bende Hamoth-dor gi kuondene mag kwath, kod Kartan gi kuondene mag kwath—mier adek.
33 Mier duto ma ne opog ne Jo-Gershon ne gin mier 13 gi kuondegi mag kwath.
34 Jo-Zebulun+ ne omiyo joka Merari+ ma wuod Lawi, Jokneam+ gi kuondene mag kwath, Karta gi kuondene mag kwath,
35 Dimna gi kuondene mag kwath, kod Nahalal+ gi kuondene mag kwath—mier ang’wen.
36 Jo-Reuben ne ochiwo Bezer+ gi kuondene mag kwath, Jahaz gi kuondene mag kwath,+
37 Kedemoth gi kuondene mag kwath, kod Mefaath gi kuondene mag kwath—mier ang’wen.
38 Jo-Gad+ ne omiyogi Ramoth man Gilead+ gi kuondene mag kwath mondo obed ka ma jo ma ne oneko ne nyalo dhi tonyie. Ne gimiyogi bende Mahanaim+ gi kuondene mag kwath,
39 Heshbon+ gi kuondene mag kwath, kod Jazer+ gi kuondene mag kwath. Duto ne gin mier ang’wen.
40 Mier duto ma ne omi Jo-Merari, ma tiende ni Jo-Lawi ma ne odong’, ne gin mier 12.
41 Mier duto ma ne Jo-Lawi nigo e Israel ne gin mier 48 kaachiel gi kuondegi mag kwath.+
42 Moro ka moro kuom miergo ne nigi kuonde kwath molwore.
43 Omiyo, Jehova nomiyo Jo-Israel piny duto ma ne osingo ne kweregi,+ kendo ne gikawe mi gidakie.+
44 E wi mano, Jehova nomiyo gidak gi kuwe gi jowasigu ma ne olworogi mana kaka ne osesingo ne kweregi.+ Onge jasigu kata achiel ma ne nyalo ng’ang’ kodgi+ nikech Jehova noketo wasigugo e lwetgi.+
45 Onge singo kata achiel ma ok nochopo kuom singo duto mabeyo ma Jehova ne osingo ne Jo-Israel; giduto ne gichopo kare.+
Weche Moler Piny
^ Kata, “ne opognegi gi ombulu.”
