Malaki 4:1-6
4 “Nimar neuru! nitie odiechieng’ moro mabiro kendo noliel ka mach,+ odiechieng’ ma jo ma sungore* duto, kod jo ma timo richo biro chalo ka tiang’ motwo. Odiechieng’no nobi mondo otiekgi,” Jehova Nyasach oganda lweny owacho, “kendo ok obi weyonegi tiend yath kata bade.
2 To un ma uluoro nyinga, wang’ chieng’ makare biro rienynu, pilnige* biro changou; kendo unuchikru koni gi koni ka nyiroye machwe.”
3 “Chieng’ ma akawo okang’, ubiro nyono joricho gi tiendeu nikech gibiro chalonu kaka buru,” Jehova Nyasach oganda lweny owacho.
4 “Paruru Chik mar jatichna Musa, ma ne amiye e Horeb mondo Jo-Israel duto oluw, ee chike kod buche.+
5 “Neuru! Aoronu janabi Elija+ ka pok odiechieng’ maduong’ kendo malich mar Jehova ochopo.+
6 Kendo obiro loko chuny wuone mondo odog ne nyithindgi,+ kendo chuny nyithindo mondo odog ne wuonegi, mondo kik abi ago piny, mi akethe.”
