Injili mar Mathayo 1:1-25
1 Bug anyuola mar Yesu Kristo,* wuod Daudi,+ wuod Ibrahim:+
2 Ibrahim nonyuolo Isaka;+Isaka nonyuolo Jakobo;+Jakobo nonyuolo Juda+ gi owetene;
3 Juda nonyuolo Perez gi Zera,+ ma min-gi ne en Tamar;Perez nonyuolo Hezron;+Hezron nonyuolo Ram;+
4 Ram nonyuolo Aminadab;Aminadab nonyuolo Nashon;+Nashon nonyuolo Salmon;
5 Salmon nonyuolo Boaz, ma min-gi ne en Rahab;+Boaz nonyuolo Obed, ma min-gi ne en Ruth;+Obed nonyuolo Jesse;+
6 Jesse nonyuolo Ruoth Daudi.+Daudi nonyuolo Solomon,+ ma min-gi ne en chi Uria;
7 Solomon nonyuolo Rehoboam;+Rehoboam nonyuolo Abija;Abija nonyuolo Asa;+
8 Asa nonyuolo Jehoshafat;+Jehoshafat nonyuolo Jehoram;+Jehoram nonyuolo Uzia;
9 Uzia nonyuolo Jotham;+Jotham nonyuolo Ahaz;+Ahaz nonyuolo Hezekia;+
10 Hezekia nonyuolo Manase;+Manase nonyuolo Amon;+Amon nonyuolo Josia;+
11 Josia+ nonyuolo Jekonia+ gi owetene e kinde ma ne idaro Jo-Yahudi kiterogi Babulon.+
12 Bang’ daro Jo-Yahudi nyaka Babulon, Jekonia nonyuolo Shelatiel;Shelatiel nonyuolo Zerubabel;+
13 Zerubabel nonyuolo Abiud;Abiud nonyuolo Eliakim;Eliakim nonyuolo Azor;
14 Azor nonyuolo Zadok;Zadok nonyuolo Akim;Akim nonyuolo Eliud;
15 Eliud nonyuolo Eleazar;Eleazar nonyuolo Mathan;Mathan nonyuolo Jakobo;
16 to Jakobo nonyuolo Josef chwor Maria ma nonyuolo Yesu+ miluongo ni Kristo.+
17 Kuom mano, tienge duto chakre Ibrahim nyaka Daudi ne gin tienge 14; chakre Daudi nyaka kinde ma ne idaro Jo-Yahudi kiterogi Babulon ne gin tienge 14; to bang’ terogi Babulon nyaka ndalo Kristo ne gin tienge 14.
18 To ma e kaka nyuol mar Yesu Kristo nobet. E kinde ma Maria min mare nosetimo singruok mar kend gi Josef to ne pok gikendore, noyudo ich kokalo kuom roho maler.+
19 Kata kamano, nikech Josef chwore ne en ng’at makare, kendo ne ok odwar kuodo wiye, nochano weye ling’ ling’.+
20 To bang’ paro kuom wechego, ne! malaika mar Jehova* nobirone e lek ka wacho niya: “Josef wuod Daudi, kik iluor kawo chiegi Maria idhi kode pacho, nimar ich ma en-gono oyudo kokalo kuom roho maler.+
21 Enonyuol wuoyi, kendo inichake ni Yesu,*+ nimar obiro waro ji a e richogi.”+
22 To kuom adier, mago duto notimore mondo wach ochop ma Jehova* nokoro kokalo kuom janabine niya:
23 “Neuru! Nyako ma silili biro mako ich kendo obiro nyuolo wuoyi, mi ginichake ni Emanuel,”+ ma kolok to tiende en ni, “Nyasaye ni Kodwa.”+
24 Bang’ mano, Josef ne ochiewo motimo mana kaka malaika mar Jehova* nochike. Nokawo chiege modhigo pacho.
25 Kata kamano, ne ok oriwore kode nyaka bang’ ka nosenyuolo wuoyi,+ kendo Josef nochake ni Yesu.+
Weche Moler Piny
^ Kata, “Mesia; Ng’at Mowir.”
^ Nying Nyasaye ma en Jehova yudore nyadi 237 e Ndiko mag Dho-Grik mag Jokristo. Kae e ka ma oyudoree mokwongo. Som Apendiks A5.
^ Dho Hibrania luongo Yesu ni Jeshua kata Joshua, ma tiende ni “Jehova En Warruok.”
^ Som Apendiks A5.
^ Som Apendiks A5.
